John 12:48 - Patamuna New Testament Revised

⁴⁸ Ànù'là unulunpanài molopai umaimu yanùnnài pen kottùmanài wechi màlà molo. Mayin unekamappù wechi màlà ikottùmanài pe wei wenukassak yattai.

John 12:48 ပူးပေါင်းရင်းမြစ်များ

Matthew 10:15

Ailon kulu sàlà, Ittuntok Weyu yattai Katù usentuppa màlà eke peiwa Sodom molopai Gomorrah pon kon pàk, màlà pata yawon kon kappon yamùk pàk tùusentuppa yentai!” teppù Jesus uya.

Matthew 21:42

Jesus uya tok pàk, “Katù Maimu yau ken na' sàlà yensak auya'nokon pùla nai? ‘Tàk tapùi yamùnnan nùnulunpappù tapulàsen yek pen wenappù man iche kulu we'nàtok pe. Sàlà wekkupùppù màlà Itepulu winà. Wakù pe kulu man!’ tawon,” teppù.

Matthew 25:31

“Kàyik Mumu uyàssak tapulàtok yau tùyinchelùyi yamùk pokonpe yau, chichiu pe iwechi màlà akkwa wakù tapon po.

Mark 12:10

“ Katù Maimu yau ken na' yennàinan pen amyamlo?” tukaik, Jesus uya tok yekamappoppù, “ ‘Tàk tapùi yamùnnan nenpàtùppù tapulàik pùla wenasak man iche we'nàtok pe.

Mark 16:16

“Ànù'là ailon tukaik ichenpataukasak kon wepùikattà màlà. Tùse ànù'là ailon tawon pen wechi màlà àli pe tùwettok pàkànsau tùwettalumattà pàk.

Mark 8:31

Jesus wepyattàppù tùnenupa ton yenupa pàk, “Kàyik Mumu talumattàtok woton àsà pe. Tùnamasan itepulu yamùk, paatele yamùk yepulu yamùk, molopai Law pàk enupanài nan uya italumayippù pe inonkatok woton. Iwàtok woton, tùse iwe'wuluukatok woton àsolùwau wei tùpo,” tukaik.

Luke 10:16

Ta'lon kon pàk, “Ànù'là eyetanài'nokon uya uyeta màlà. Ànù'là ànulunpanài'nokon uya unulunpa màlà. Ànù'là unulunpanài uya uyeuno'nàippù nulunpa màlà,” teppù ya.

Luke 17:25

Tùse wapiya iwettalumattà màlà molopai sàlà palok kon kappon yamùk uya inulunpa màlà.

Luke 20:17

Jesus uya tok yeneppù molopai tok yekamappoppù ya, “Yà'là te ken uchi sàlà Katù Maimu uya màlà, ‘Tàk tapùi yamùnnan nùnulunpappù italumayippù pe iwechi pàk, wenasak man iche kulu we'nàtoppe tùulon kon tàk yamùk yentai,’ tawon.

Luke 7:30

Tùse Pharisee yamùk molopai Law pàk enupan nan uya Katù nùkupù tùponalok kon pe nulunpappù masapùla John nenpataukappù pe pùla tùwechi kon pàk.

Luke 9:22

“Kàyik Mumu wettalumattà màlà eke pe, molopai eke ton tùnamasan uya inulunpa màlà. paatele yamùk yepulu ton, molopai Law pàk enupannan uya inulunpa màlà. Iwànà màlà molopai iwe’wuluuka màlà icholùwano wei yattai,” teppù ya tok pàk.

Luke 9:26

Ànù'là kappon wekkuli'masak upàk yau molopai umaimu pàk yau, Kàyik Mumu wekkuli'ma nàlà màlà ipàk tùuyàssak yau, takkwayi, tùkàipùnù yakkwayi, molopai Inchelù yamùk yakkwayi tawon yau yattai.

John 11:24

Martha uya Jesus pàk, “Tùttuyaik iwe'wuluuka tu'ma tewinanùppù wei, we'wuluukantok weyu yattai,” teppù.

John 5:45

Ukàipùnù yemlotopo atalumattà kon pe uselupa pe kùsekamatàu. Moses nen mùkkàlà tùuselupasen àli pe àpàkù'nokon. Mùkkàlà enpen ipàk ewechippù kon nùppù.

John 6:39

Molopai sàlàichi màlà Uyeuno'nàippù yeselu, tamù'nawà ulepatok kon ya lachima uya pen màlà, tùse tamù'nawàlà tok wuluuka uya màlà wema'nàtok yak tewinanùppù wei yattai.

John 8:47

Katù ponalok kon mùkyamlo Katù Maimu yetannan. Tùse iponalok pe pùla ewechi kon pàk màlà yeta auya'nokon pùla iwechi,” teppù Jesus uya tok pàk.

Yeunossak kon Wotokoyi 17:31

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Yeunossak kon Wotokoyi 3:23

Ànù'là mùkkàlà nekama yetanài pen wepantaka màlà Katù ponalok kon kappon yamùk winàpai molopai inmatta màlà,’ teppù ya.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

2 Corinthians 4:3

Masapùla Wakù Itekale ina nekamayai'nùk wechi yonansappe yau, yonansak màlà mùkyamlo iitassak kon pona.

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

2 Peter 3:3

Tamù'nawolon wapiya, mùttutàik iwenukapù pe tùulon kon kappon yamùk usenpoika iwemattok kon àli ànkupai tùwettok itepulu ton. Tok uya àmottùnpa kon màlà

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.