John 12:40 - Patamuna New Testament Revised

⁴⁰ “Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

John 12:40 ပူးပေါင်းရင်းမြစ်များ

Matthew 15:14

“Tàwà tok nechii. Enpùnon mùkyamlo enpùn yanàinan. Molopai enpùn uya tùulon enpùn yalà yau, asakklàma tok wepuka màlà non yakasak yak,” teppù Jesus uya.

Mark 4:12

Sàlà yamùk wekkupùppù màlà, ‘Tok uya yentoppe tùse màlà tùnene kon ittu tok uya tukaik. Tok uya là yeta toppe, tùse màlà tùnetappù kon ittu tok uya tukaik, yensak molopai yetasak tok uya yau, tùmakuyi kon winàpai tok welattà eppaino sàlà molopai tok makuyi pàk Katù usentupa eppaino,’ tukaik.”

Mark 6:52

Masapùla yà'là yekamasak 5000 pan kon yewessak uya ituppù tok uya pùla lùppù iwechippù, tok usenumenkatok uya yachi pùla iwechippù.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

Luke 8:10

Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

John 12:39

Màlàpàk ailon teppù tok uya pen màlà masapùla Isaiah uya wa tesak tu'ma pàk.

John 9:39

Jesus uya, “Uyàssak sàlà, sàlà non pona kappon yamùk yeselu wechi wakù pe wapùla àli pe là yenpoikaik. Enpùnon uya yentoppe molopai yennài nan wenatoppe enpùla,” teppù.

Yeunossak kon Wotokoyi 15:3

Sochi tawon kon uya tok yeunossak wechippù màlà, molopai tùutài'ma'nokon Phoenicia molopai Samaria yawàlà tok uya Jew yamùk pen welattàsak Katù winàkaik yekamappù. Sàlà itekale uya eke pe tamù'nawolon kon utauchinpatok nepùppù màlà.

Yeunossak kon Wotokoyi 28:26

Masapùla: ‘Itàkà molopai wa kata pùsamlo kappon yamùk pàk: Tàwàlàlà yeta auya'nokon màlà tùse ittu auya'nokon pen, tàwàlàlà iwa auya'nokon màlà tùse yene auya'nokon pen.

Yeunossak kon Wotokoyi 3:19

Elattàtàk kon uchi àli kuttok auya'nokon winàpai, elattàtàk kon Katù winàkàik màlàyau amakuyi kon kolùka ya màlà,

Romans 9:18

Màlàpàk uchi Katù tùusentuppasan ipàk esentuppapai tùwettok ipàk pàk, molopai sa'man pe itewan ànkuppai tùwettok ku'nài sa'man pe.