John 12:34 - Patamuna New Testament Revised

³⁴ Ilinà kappon yamùk uya Imaimu yeikuppù, “Ina uya yetasak man Law yapai, Christ wemapù màlà tàwàlàlà tukaik, tùse yà'là kasa ken uchi wa te auya nai'nùk Kàyik Mumu yanùmù màlà te auya? Ànùk ken uchi mùkkàlà Kàyik Mumu?” tukaik.

John 12:34 ပူးပေါင်းရင်းမြစ်များ

Matthew 16:13

Jesus utàppù màlà pata Caesarea Philippi piyawon yak, molo ta'lon kon yekamappoppù ya, “Ànùk pe ken Kàyik Mumu wechi tawonnan kappon yamùk?” tukaik.

Matthew 21:10

Jesus welepansak Jerusalem pona yau, tamù'nawàlà pata yawon kon utaimelunpasak wechippù molopai tok uya. “Ànùk ken mùkkàlà?” teppù.

Matthew 8:20

Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

John 10:34

Jesus uya tok maimu yeikuppù, “Àmàlà' nokon Law yau uchi iwe'menukasak pùla nai, ‘katù yamùk amyamlo teppù uya?’ tukaik.

John 12:32

“Molopai non poi uyanùnsak yau, tamù'nawolon kon nepù uya màlà upyak,” teppù Jesus uya.

John 15:25

Tùse sàlà yamùk wekkupùppù màlà tok Law yau iwe'menukasak lùppù yawàlà. ‘Tok uya tewanma kon pe ukupùppù yà'làlà pàkànsau pùla,’ tawon.

John 8:28

Màlàpàk Jesus uya tok pàk, “Kàyik Mumu yekainùnpasak auya'nokon yau, Mùkkàlà pe nen uchi uyittu auya'nokon màlà,’ molopai uyiwalà nàlà yà'là là kupùppù uya pe pùla, tùse Ukàipùnù uya neken uyenupatok pàk uselupappù pe iwechi.

Romans 3:19

Sàlà pe ittu'nokon man tamù'nawolon Law yau nai'nùk wechi, mùkyamlo yawàlà nemassai'nannùk ponaloppe. Tamù'nawolon kappon we'waputtàtok kon yeleutanùttoppe molopai tamù'nawàlà wolù yawon kon kappon yamùk nettoppe Katù uya ittuntok yak.

Romans 5:18

Màlàpàk uchi tewinan kappon makuyi uya tamù'nawolon kon kappon yamùk pa'nùssak kasa làma, mùkkùlà, Jesus, nùkupùppù iwalai uya tamù'nawolon kon kappon yamùk pùikattà màlà. Katù uya tok yanùntoppe ikasa molopai tok lepa ya tàwàlàlà wema'nàtok ke.

Hebrews 7:24

Tùse Jesus mùkkàlà tùwemassen tàwàlàlà, molopai iwotokoyi paatele pe iwettok màlà tùulon yemyak tùtùsen pen.