John 12:32 - Patamuna New Testament Revised

³² “Molopai non poi uyanùnsak yau, tamù'nawolon kon nepù uya màlà upyak,” teppù Jesus uya.

John 12:32 ပူးပေါင်းရင်းမြစ်များ

John 1:7

Pùsàlà uyàpùppù kappon yamùk pàk akkwa yekalettàik, molopai mùkkàlà yai ailon tetoppe tamù'nawolon kon uya.

John 12:34

Ilinà kappon yamùk uya Imaimu yeikuppù, “Ina uya yetasak man Law yapai, Christ wemapù màlà tàwàlàlà tukaik, tùse yà'là kasa ken uchi wa te auya nai'nùk Kàyik Mumu yanùmù màlà te auya? Ànùk ken uchi mùkkàlà Kàyik Mumu?” tukaik.

John 18:32

Sàlà wekupùppù màlà yà'là yekkwa là weli'nàtok yau tùwelittok yekamappù Jesus uya kasa iwekkuttoppe.

John 19:17

Jesus utàppù tùpulusukù yalàppù ya tùyiwalà, Puppà Yàppù lùppù Patassek yak. (Hebrew maimu yau “Golgotha” itesek.)

John 3:14

Moses uya àkài kalukuli konekasak pùmùssakappù yei pàk, wontaik yau. Màlà kasa làma Kàyik Mumu pùmùsakka màlà pulusuk pona.

John 6:44

Ànù'là uyàpù upyak pen màlà, tùse Ukàipùnù uyeuno'nàippù uya neken tok nessak yau, tok wuluuka uya màlà wema'nàtok yak tewinanùppù wei yattai.

John 8:28

Màlàpàk Jesus uya tok pàk, “Kàyik Mumu yekainùnpasak auya'nokon yau, Mùkkàlà pe nen uchi uyittu auya'nokon màlà,’ molopai uyiwalà nàlà yà'là là kupùppù uya pe pùla, tùse Ukàipùnù uya neken uyenupatok pàk uselupappù pe iwechi.

Galatians 3:13

Tùse Christ uya kùpùikattàsak kon sàlà pa'nù'nàtok law nùnepùppù winàpai, ipa'nùssappe tùwenaik kùponalok kon pe. Katù Maimu uya, “Ànù'là yei pàk ikaiwattàsak wechi màlà ipa'nùsak pe,” te kasa. {Deu 21.23}

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 2:2

Masapùla Christ wettùlùppù tùwelittok yak pàkànsau nen nai'nùk kùmakuyi kon pàk usentuppansak. Molopai kùmakuyi kon neken nà pàk pùla, tùse tamù'nawolon kon kappon yamùk makuyi pàk nàlà.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.