John 12:26 - Patamuna New Testament Revised

²⁶ Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

John 12:26 ပူးပေါင်းရင်းမြစ်များ

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Mark 8:34

Jesus uya kappon yamùk kà'mappù tùnenupa ton pokonpe tùpyak. “Ànù'là uya'là àippaino wechi yau tàwà ne'nonkai sàlà wolù yau tùwemattok winàpai, tàwà tùwettalumattàtok yanùmài molopai nùyàpùi uya'là,” teppù ya tok pàk.

Luke 12:37

Tùutauchinpasan mùkyamlo apyoto yamùk, tùuyàssak yau itepulu nepolo ton, iipakasappe. Ailon kulu sàlà, iwepokùlùyittà màlà, molopai tok yeleutanùpù ya uta'lettàn yapon piyak, molopai tok yewetù ya màlà.

Luke 6:46

“Yà'là pe ken uchi iwechi pàk uyesatù auya'nokon màlà, ‘Uyepulu, Uyepulu,’ tukaik unekamappù àpàkù'nokon kupùi'ma pùla?

Luke 9:23

Màlàyau tamù'nawolon kon pàk, “Ànù’là wechi uya'là àippai yau tàwà tùwettalumattàtok yanùmùi, molopai uya'là nùyàpùi.

John 10:27

Uyùkùnnon mùkyamlo umaimu yetannan, tok tùttuyaik. Molopai uwenaimannan mùkyamlo.

John 13:16

Ailon kulu sàlà, apyoto mùkkàlà tepulu yentaino pen. Molopai mayin yekamaik yeunossak mùkkàlà teuno'nàippù yentaino pen.

John 14:15

“À'nùn pe ukupù auya'nokon yau, enupantok uya kupù auya'nokon màlà.

John 14:3

Molopai apatassek kon woton konekaik utà tùpo, uyàpù tu'ma màlà ayase'nokon upyak, wessai'nùk motau nàlà ewechi kon pa.

John 15:20

Ittutàk kon àpàkù'nokon ‘Apyoto mùkkàlà tepotolù yentaino pen,’ ” teppù uya. “Utalumattàsak tùuya'nokon yau, tok uya nàlà atalumattà kon màlà. Tenupatok kon uya yawàlà tùwechi kon yau, tok wechi nàlà màlà tenupatok auya'nokon yawàlà.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 21:22

Jesus uya Peter pàk, “Pàli'yau iwechi uyàpù ponalà iche wechi yau, màlà wechi ken yà'là pe àpona? Kùwenaimakà kulu àmàlà pe,” teppù.

Romans 1:1

Sàlà kaleta nùyàssan apyakù'nokon Paul winàpai. Mùkkàlàichi mùkkàlà Jesus Christ yapyoto molopai yeunossak lùppù. Inanùmùppù mùkkàlà molopai inkà'mappù Wakù Itekale tùponalok yekamatoppe ya.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

2 Corinthians 5:8

Meluntà pe molopai tùwettalipasan pe pùla we'nà'nokon man, molopai sàlà kùyesak kon nàntok pàk tùse kùpata kon po Itepulu piyau kulu eppai we'nà'tokkon pàk.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Philippians 1:23

Asakklàma sàlà yamùk yakkletau wessaik, tùulon yattai emappai wechi, tùulon yattai emappai pùla. Masapùla Christ piyak kulu itàpai uchittu utauchinpa kulu mà màlà tà eke pe talà wechi yentai.

Colossians 3:24

“Itepulu uya ken uye'ma ko wakù ke lù,” mùkatàik; tùponalok kon ponaloppe inkupù yepolo auya'nokon màlà. Masapùla Christ kulu mùkkàla eyepulu kon iponaloppe me'wotokomayatài'nùk.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

1 John 5:3

Masapùla sàlà màlà Katù pùnùnmatok yekamanài suwa ekkà tetok ya yawàlà we'nà'nokon, molopai enupantok ya yamùk wechi sa'man pe kulu kùpona'nokon pen màlà.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà:

Revelation 14:4

Pùsamlo mùkyamlo kàyik yamùk esuken iwekkusak kon, ulichan yamùk là pokonpe iwessak kon pen. Tok uya Kalinilu Mule wenaima màlà i'nailàlà iità yau, tok ye'masak wechippù màlà kappon yamùk kùlottapai molopai wapiya tùtùsen Katù molopai nen uchi Kalinilu Mule yemyak pe tok wechippù.