John 12:20 - Patamuna New Testament Revised

²⁰ Uta'lettàntok yattai Katù nama pe yapulàik iitàsak kon kùlottau màlà Greek yamùk tonpa yamùk wechippù.

John 12:20 ပူးပေါင်းရင်းမြစ်များ

Mark 7:26

Pùsàlà nossan wechippù màlà Jew pe pùla Phoenicia po iwentusak lùppù pe pata Syria yau. Àli akkwalù yenpakka toppe Jesus uya ipawanattàppù ya tùmle yapai.

John 12:1

6 pe wei Usentaka'nàppà yattai Uta'lettàntok wapiya, Jesus utàppù Bethany pona. Lazarus welichak wuluukappù tùuya yak.

John 12:19

Pharisee yamùk uya tùtonpa kon pàk, “Masa yenkà, ikupù'nokon pe pùla kulu man, Masa yentàk kon! Tamù'nawàlà wolù yawon kon utàkassak ya'là!” teppù.

John 7:35

Jew yamùk usekamappopàtùppù tùyiwalà'nokon, “I'nai motak ken uchi pùsàlà kàyik utà pe iwechi màlà, tepolo pùla iwettoppe, kùtonpa kon ka' Jew yamùk Greek yamùk kùlottak iwetta'nùssak kon kùlottak lù, Greek yamùk yenupaik?

Yeunossak kon Wotokoyi 14:1

Iconium po, Paul molopai Barnabas tawonnan utàppù màlà Jew yamùk wepilittok itak tak. Molopai tok uselupappù wakù pe. Màlàyau tukke Jew yamùk molopai Jew yamùk pen wenappù ailon tawonnan pe Jesus pàk.

Yeunossak kon Wotokoyi 16:1

Paul utàppù màlà miya Derbe molopai Lystra pona. Jesus ya'lon wemapùppù màlà molo itesek Timothy. Ichan ailon tawon nàlà Jesus pàk wechippù Jew pe, tùse ikàipùnù wechippù Greek pe.

Yeunossak kon Wotokoyi 17:4

Tùulon kon uya ailon teppù Paul molopai Silas maimu pàk molopai tok tonpa pe tok wenappù. Molopai nàlà tukke Greek yamùk Katù naman nan, molopai tukke nossan yamùk tùnamasan wenappù Paul molopai Silas tonpa pe.

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Yeunossak kon Wotokoyi 21:28

“Israel pon kon, ina ipùikattàtàk! Pùsàlà mùkkàlà kàyik mailàlà tùusalà pàk tùwessen, tamù'nawolon kon yenupa pàk kùtonpa kon yamùk, kùmàlà'nokon law, molopai sàlà Katù yùwùk, tawon talumattà pe. Molopai tu'ma Jew yamùk pen tonpa yamùk nessak ya nàlà man sàlà Katù yùwùk tak, sàlà wakù pata koppose,” tukaik tok wentaimeppù.

Yeunossak kon Wotokoyi 8:27

Màlàyau Philip utàppù. Molopai Ethiopia pon yepoloppù ya te'ma tau. Pùsàlà wechippù màlà eke itepulu pe, Kuwin Candace itesek Ethiopia pon yemamin yesappe. Iitàppù màlà Jerusalem pona Katù yapulàse molopai inamase.

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 10:12

Masapùla tùpatalà we'nàtok pùla iwechi màlà Jew yamùk molopai Jew yamùk pen kùlottau. Katù mùkkàlà, mùkkàlà lùppù tamù'nawolon kon Yepulu, molopai eke pe tamù'nawolon kon tesek yesà'nàinan lepanài.

Galatians 2:3

Uya'lonnà Titus, yeka'nonkappù Jew yamùk yeselu yawà yattàtoppe pen màlà, Greek pe lànen tùse.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Colossians 3:11

Màlàpàk, tùpatalà'ne we'nàtok Jew yamùk pen molopai Jew yamùk kùlottau pùla iwechi màlà, mùkyamlo Jew yattàtok yesak molopai ipùnon kùlottau, kaklan yamùk molopai àsà ton kappon yamùk kùlottau, apyoto ton molopai apyoto ton pen kùlottau. Tùse Christ mùkkàlà tamù'nawolon. Molopai Christ mùkkàlà tamù'nawolon yawon.