John 11:55 - Patamuna New Testament Revised

⁵⁵ Molopai Usentaka'nàppà pàk Uta'lettàtok yattai wenappù mei pùla, molopai tukkan kon kappon yamùk utàppù echikili pata yamùk poi Jerusalem pona, Uta'lettàntok Weyu wapiya ekolùkaik wekolùkantok yeselu yawàlà.

John 11:55 ပူးပေါင်းရင်းမြစ်များ

Matthew 26:1

Jesus wenukassak sàlà yamùk pàk tùuselupa pàk yau, ta'lon kon pàk wateppù ya,

Matthew 26:2

“Mùttuyatàik, asa'là wei tùpo Usentaka'nàppà Yattai Uta'lettàntok wechi, molopai Kàyik Mumu tùlù màlà ipukapàttoppe pulusuk pona.”

Mark 14:1

Asa'là neken wei wechippù màlà, Usentakantok molopai Iwapuluwetasak pen pùlomù pusak pàk Uta'lettàntok weyu wapiya. paatele yamùk yepulu ton molopai Law pàk enupannan wechippù Jesus yachitok tùuya'nokon ittuiche amak yai kappon yamùk uya ittu pùla, iwàtoppe tùuya'nokon.

Luke 22:1

Yapuluwetanù'nài pùn pùlomù pusak pàk Uta'lettàntok yattai wechippù màlà mei pùla, itesek Usentakantok.

John 12:1

6 pe wei Usentaka'nàppà yattai Uta'lettàntok wapiya, Jesus utàppù Bethany pona. Lazarus welichak wuluukappù tùuya yak.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 18:28

Màlàyau Jew yamùk uya Jesus yalàppù Caiaphas piyapai Roman Kopùnayi pata yak. Ko'làma iwechippù màlà, Jew yamùk wewomùppù tapùi tak pen màlà, masapùla wakù pe teselu kon yawà eppai tok wechippù Usentaka'nàppà yattai Uta'lettàntok pàk tùuta'lettàtok kon pe.

John 2:13

Usentaka'nàppà yattai Jew yamùk uta'lettà weyu wechi mei pùla yau, Jesus utàppù Jerusalem pona.

John 2:6

Jew yamùk wechippù màlà wekolùkantok yeselu yesappe Katù nanùmù yeppe. Màlàpàk màlà 6 pe tàk yapai ikonekasak kon wai yamùk wechippù molo. Tewinan uya 20 wapùla 30 gallons yachippù.

John 5:1

Màlà tùpo Jew yamùk uta'lettàtok yattai wechippù, màlàpàk Jesus utàppù Jerusalem pona.

John 6:4

Jew yamùk uta'lettàtok Usentaka'nàppà lùppù pàk winàkàik iwechippù.

Yeunossak kon Wotokoyi 21:24

Tok ya'là itàkà molopai wekolùkantok yawàlà we'nàtok mùkupùik tok pokonpe, molopai tok ne'ma me'maik tok ponaloppe; màlà yattai nen uchi tùppai kon na tok uya màlà. Sàlà kasa iwechi yau tamù'nawolon kon uya ittu màlà, ailon pe pùla sàlà yamùk àpàk uselupantok kon wechi, tùse Law yawàlà ewemapù ittu tok uya.

Yeunossak kon Wotokoyi 21:26

Màlàyau Paul uya kàyik yamùk yalàppù molopai iwemassak pe wekolùkantok yawàlà kupùppù ya tok pokonpe. Màlàyau iitàppù Katù yùwùk tak, yà'là kaichalà lùppù là wei wechi molo wekolùkantok weyu wenukattoppe yekamase, ilepatok tùtoppe tok ponaloppe tewin pàk.

Yeunossak kon Wotokoyi 24:18

Sàlà kupù uya tùse uyepoloppù tok uya màlà Katù yùwùk tau, wekolùkantok yawàlà wettok yenuka'nàppù uya tùpo. Tukkan kon kappon yamùk pùla iwechippù màlà upyau, molopai utaimelunpantok pùla.

1 Corinthians 11:28

Tàwà kappon nùsenei, tewan iwai pùlomù pusak napù tùuya wapiya molopai sàlà kok yawon inchi tùuya wapiya.

James 4:8

Àitàk kon Katù piyak mei pùla molopai iyàpù màlà mei pùla apyakù'nokon. Wakù pe eyemyatà kon ikuttàk kon, asa'lon ichenumenkatok kon kappon yamùk! Eyewan kon ikukatàk kon tùusennakasan!