John 11:52 - Patamuna New Testament Revised

⁵² tùse mùkyamlo ponaloppe neken pùla, tùse mùkyamlo nàlà iwetta'nùssak kon Katù munkà yamùk ponaloppe, tok nesse tamùkke tewin tok wettoppe.

John 11:52 ပူးပေါင်းရင်းမြစ်များ

Luke 15:8

“Wapùla nossan wechi là 10 pe chilùpa pun yamùk yesappe. Molopai tewin nà yenu'masak tùuya yau, yà'là ku'nài ken mùkkàlà? Tùlanppuyi pottànài kutà, tùwùk yakolokanài là, molopai wakù pe iwanài i'nailàlà yepolo tùuya ponalà.

Luke 2:32

Eye'ma yekamatok auya Jew yamùk pen pàk weyu. Molopai àponalok kon Israel yamùk pona apulàntok ne'nài,” teppù ya.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

John 12:32

“Molopai non poi uyanùnsak yau, tamù'nawolon kon nepù uya màlà upyak,” teppù Jesus uya.

Yeunossak kon Wotokoyi 18:10

masapùla aya'là wessaik. Ànù'là uya amattanùpù pen màlà masapùla tukkan kon sàlà pata yawon kon mùkyamlo uponalok kon,” teppù ya.

Romans 3:29

Wapùla Katù ken na' mùkkàlà Jew yamùk Katùyi neken? Jew yamùk pen Katùyi pen nàlà ken na' mùkkàlà? Ewaik, Jew yamùk pen Katùyi nàlà mùkkàlà.

Romans 4:17

Katù Maimu uya, “Àkonekasak uya sàlà tukkan pata yawon kon kappon yamùk kàipùnù pe, ” te kasa. {Gen 17.5} Màlàpàk kùkàipùnù kon mùkkàlà Katù yenu yau, ailon tawon nùppù ipàk, Katù iwelichak lùppù lepanài wema'nàtok ke molopai emennak ton konekanài yà'là pen yapai.

Ephesians 1:5

Katù wekkussak wechippù màlà Jesus Christ yai kùnepù kon tùuya tùpyak pàk tùmunkà yamùk pe. Sàlà wechippù màlà ittauchinpatoppe molopai iche iwettoppe.

Ephesians 3:11

Jesus Christ kùyepulu kon yai sàlà kupùppù màlà Katù uya, pena iwepyattà pe ikupù pàk tùwekkupùppù yawàlà.

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

1 Peter 1:1

Peter, yeunossak lùppù Jesus Christ winàpaino sàlà kaleta, Katù nanùmùssan kappon yamùk tùwemassan kaklan pe tùwetta'nùse pata yamùk: Pontus, Galatia, Cappadocia, Asia, molopai Bithynia yawolon kon piyak immenukappù sàlà.

1 John 2:2

Masapùla Christ wettùlùppù tùwelittok yak pàkànsau nen nai'nùk kùmakuyi kon pàk usentuppansak. Molopai kùmakuyi kon neken nà pàk pùla, tùse tamù'nawolon kon kappon yamùk makuyi pàk nàlà.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.

1 John 3:10

Sàlà màlà tùpatalà kulu Katù munkà yamùk molopai Makui munkà yamùk wechi yekamanài: ikasa pùla tùwessan wapùla tùtonpa pùnùnman nan pen wechi màlà Katù munkà pe pùla.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.