John 11:47 - Patamuna New Testament Revised

⁴⁷ Màlàyau paatele yamùk yennài nan molopai Pharisee yamùk uya Jew yamùk Yepulu ton pilipùppù, molopai tok pàk tok uya “Yà'là kupù'nokon sàlà? Pùsàlà kàyik tukke ittutok ipàkàlà woton kon kussan.

John 11:47 ပူးပေါင်းရင်းမြစ်များ

Matthew 26:3

Màlàyau eke ton paatele yamùk molopai tùnamasan eke ton Jew yamùk wessepoloppù màlà tamùkke Caiaphas Eke kulu paatele patassek yak.

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Mark 14:1

Asa'là neken wei wechippù màlà, Usentakantok molopai Iwapuluwetasak pen pùlomù pusak pàk Uta'lettàntok weyu wapiya. paatele yamùk yepulu ton molopai Law pàk enupannan wechippù Jesus yachitok tùuya'nokon ittuiche amak yai kappon yamùk uya ittu pùla, iwàtoppe tùuya'nokon.

Luke 22:2

paatele yamùk yepulu ton molopai Law pàk enupannan yamùk wechippù màlà yà'là kasa là Jesus wàtok tùuya'nokon ittuiche, masapùla tok usenalipappù màlà kappon yamùk pàk.

John 11:57

Paatele yamùk yennài nan molopai Pharisee yamùk uya “Ànù'là, Jesus wechi i'nailàlà ittunài uyàpù màlà ina pàk yekamaik, ina uya yachi toppe,” teppù.

John 12:19

Pharisee yamùk uya tùtonpa kon pàk, “Masa yenkà, ikupù'nokon pe pùla kulu man, Masa yentàk kon! Tamù'nawàlà wolù yawon kon utàkassak ya'là!” teppù.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 6:2

Ilinà kappon yamùk uya iwenaimappù màlà masapùla ittutok ipàkàlà pe palan pokon kon ipittàya yensak tùuya'nokon pàk.

John 7:32

Màlàyau Pharisee yamùk uya kappon yamùk usàulàma ipàk yetappù. Màlà yattai Eke ton paatele yamùk yepulu ton molopai Pharisee yamùk uya achinnan yeunokoppù yachiik.

John 7:45

Achinnan wennapopù, paatele yamùk yepulu ton molopai Pharisee yamùk piyak. Màlàyau, “Yà'là pe ken uchi iwechi pàk Jesus nepù auya'nokon pùn?” tukaik tok yekamappoppù tok uya.

Yeunossak kon Wotokoyi 5:21

Yeunossak kon wechippù imaimu yawàlà, màlàyau ko'làma tok wewomùppù Katù yùwùk tak, tok wepyattàppù màlà kappon yamùk yenupa pàk. Eke kulu paatele molopai iwechi yakon non uya tamù'nawàlà Jew yamùk Yepulu ton kà'mappù tamùkke tùuselupa tok kon pe. Màlàyau tùmaimu kon yeunokoppù tok uya patikichi yennài nan piyak yeunossak kon nettoppe tok uya temloto kon pona.

Yeunossak kon Wotokoyi 5:24

Katù yùwùk yelasu ton yepulu molopai eke ton paatele yamùk yepulu ton uya sàlà yetasak yau, tok utaimelunpasak wechippù yà'là pe là yeunossak kon wechippù ànùttupai.