John 11:43 - Patamuna New Testament Revised

⁴³ Molopai wa tekapù tùpo iwentaimeppù eke pe, “Lazarus, epakkakà!” tukaik.

John 11:43 ပူးပေါင်းရင်းမြစ်များ

Mark 4:41

Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

John 11:42

“Tùttutai tàwàlàlà umaimu yetanài àmàlà, tùse wa te uya sàlà pùsamo upyau satippe nai'nannùk uya ailon te toppe uyeunossak auya pàk,” teppù Jesus uya.

John 11:44

Màlàyau iwelichak lùppù kàyik wepakkapù uluwaik yapai. Itemyatù yamùk molopai itta yamùk wontàsak wechippù linen ke. Molopai itenpata wontàsak kuyalikku ke, Jesus uya tok pàk, “Iponkatàk kon uluwaik yau we'nà pon yapai, molopai tàwà nùtài,” teppù.

John 12:1

6 pe wei Usentaka'nàppà yattai Uta'lettàntok wapiya, Jesus utàppù Bethany pona. Lazarus welichak wuluukappù tùuya yak.

John 12:9

Tukkan kon Jew yamùk uya molo Jesus wechi Bethany po yetappù, màlàyau tok utàppù Jesus pàkànsau neken pùla, tùse Lazarus nàlà iwelichak yau inwuluukappù lùppù yense.

Yeunossak kon Wotokoyi 3:12

Kappon yamùk yensak tùuya yau, Peter uya wa teppù “Kappon yamùk Israel pon kon, yà'là pe iwechi pàk eusenumenkasak kon màlà sàlà pàk, molopai yà'là pe iwechi pàk ina yenupàkà ewechi kon màlà? Ina uya ka' tùmeluntàlù kon molopai wakù pe tùwettok kon yai pùsàlà kàyik usatoppe ikussak pe mùttuyatàu lù?

Yeunossak kon Wotokoyi 3:6

Peter uya, “Pùlayatta pùla kulu wessaik, tùse elepa uya sàlà itesak pe wettok ke. Jesus Christ Nazareth pon yesek yau, à'mùssakkakà molopai asakà, te uya sàlà,” teppù ipàk.

Yeunossak kon Wotokoyi 9:34

“Aeneas, Jesus Christ uya eyipittà màlà. E'wuluukakà molopai eyekwek ikonekakà,” teppù Peter uya ipàk. Asse'ne Aeneas we'wuluukappù.

Yeunossak kon Wotokoyi 9:40

Tamù'nawàlà Peter uya tok yenpakkappù polo pona, màlà iwakkàssak tapùi tapai, molopai tese'mu yok iwenappù molopai iwàpùlemappù. Màlà tùpo iwelattàppù ekek winàkàik molopai, “Tabitha, e'wuluukakà!” teppù ya. Iwàssànkappù ya, molopai Peter yensak tùuya yau iwe'wuluukappù chichiu pe.