John 11:37 - Patamuna New Testament Revised

³⁷ Tùse tùulon kon uya, “Pùsàlà uya ku enpùn kàyik yenu yakkokappù, màlà kasa ken na' iwelikù tukaik Lazarus kupùppù ya pen sàlà epaino?” teppù.

John 11:37 ပူးပေါင်းရင်းမြစ်များ

Mark 15:32

Imasa yenpai'nokon Christ, Israel Kinù uttà pulusuk poi, molopai ailon te toppe nokon ipàk!” teppù tok uya. Mùkyamlo amak ton nùssan Jesus talumattà tonpa yamùk uya nàlà imottùnpappù.

Luke 23:35

Kappon yamùk wechippù màlà satippe yene pàk, Jew yamùk yennài nan wàkklà Jesus talumattà pe tùse. “Tùulon kon pùikattànài ku mùkkàlà, tàwàichi nepùikattài, Katù nanùmùppù pe, molopai Christ pe tùwechi yau!” tukaik.

Luke 23:39

Tewin nà kàyik kappon wànàippù kaiwattàsak yei patài'masak pona uselupappù àli pe Jesus winàkàik. “Christ pen na' àmàlà? Epùikatàkàichi molopai ina nàlà ipùikattàkà!” tukaik.

John 11:21

Màlàyau Martha uya Jesus pàk, “Uyepulu, talà ewessak yau upi welitok pan pen!

John 11:32

Mary welepamùppù Jesus piyak. Yensak tùuya yau tese'mu yok iwenappù iita piyau. “Uyepulu, talà ewessak yau, ului welittok pan pen,” teppù ya.