John 11:33 - Patamuna New Testament Revised

³³ Jesus uya Mary kalawù molopai Jew yamùk nàlà ya'là iyàssak kon kalawù yeneppù, iipokoitappù ipla takkwalù yau molopai iitaimelupappù.

John 11:33 ပူးပေါင်းရင်းမြစ်များ

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

Mark 9:19

Jesus uya tok maimu yeikuppù, “Ailon tetok ya pùnon amyamlo! Yà'là pàkàlà ken uchi apyau'nokon wechi molopai uko'mamù àpàlika kon pàk? Walawok muleppù inettàk kon upyak,” tukaik.

John 11:19

Molopai tukkan kon Jew yamùk uyàssak wechippù Martha, Mary tawonnan piyak, tok yewan ipittàik tok lui welichak pàk.

John 11:31

Jew yamùk Mary piyau tapùi tau itewan ipik pe tùwessan uya asse'ne iwe'wuluuka molopai iwepakka yensak yau, tok utàppù ya'là. Uluwaik pona akalanse iità pe yekamappù tok uya.

John 11:34

“I'nai yailà ken uchi mùwu'nattàtantàu?” teppù ya. “Itepulu, àikkà yense,” teppù tok uya.

John 11:35

Jesus kalawùppù.

John 11:38

Jesus usewankono'ma tukkappù ipla tewan yau molopai uluwaik motak iitàppù. Uluwaik wechippù tàk yeuta yau, molopai tàk wechippù imlatta po.

John 12:27

“Sàlà pe Uyewan nùtaimelunpayan, molopai yà'là te uya? ‘Ukàipùnù, sàlà wei winàpai kùpùikatàkà,’ te uya ka'lù? Kane, sàlà pàkànsau uyàssak sàlà, sàlà wei motak.

John 13:21

Sàlà yamùk te kapù tùpo, Jesus usewankono'mappù kulu takkwalù yau. “Ailon kulu sàlà, tewinan nà àtonpa kon uya uyeimippo màlà,” teppù ya.

Romans 12:15

Matauchinpatàik tùutauchinpasan pokonpe, mesewankono'matàik tùusewankono'masan pokonpe.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.