John 10:5 - Patamuna New Testament Revised

⁵ Toto ya'là tok utà pen, tùse tok wepe iwinàpai, masapùla imaimu ittu tùuya'nokon pùla iwechi pàk,” teppù Jesus uya.

John 10:5 ပူးပေါင်းရင်းမြစ်များ

Mark 4:24

Eneta kon pàk esenumenkatàk kon, molopai enetappù kon ikuttàk kon! Àtonpa kon yeselu mùttuyatài'nàk kasa Katù uya nàlà eyeselu kon ittu, tùse àsà peiwa eyittu ya màlà.

Luke 8:18

“Tùttuseichi ettàk kon, yeta auya'nokon yau. Masapùla ànù'là yà'làlà yesak lepa màlà eke peiwa, tùse ànù'là ipla nai'nùk winàpai malalonnà itesak pe tùwechi pe inekama mokka màlà,” teppù Jesus uya.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

John 10:4

Tùkùnnon yenpakasak tùuya yau tok wapiya tùutàsen mùkkàlà. Molopai kalinilu yamùk mùkyamlo iwenaimannan, masapùla imaimu ittu tùuya'nokon pàk.

2 Timothy 4:3

Masapùla kappon yamùk wettok ailon enupantok enetapai pùla yattai uyàpù màlà, tùse yà'làlà ànkupai tùwetok kon kupù tok uya màlà, molopai tok uya tenupanài'nokon woton kon pilipù màlà tukke molopai tukke iwa enetapai tùpana kon uka'nàluntok yekama tok pe tok uya.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

1 John 2:21

Emenuka kon Uyaichi sàlà, ailon ittu auya'nokon pùla iwechi pàk pùla; tùse làkku, ittu auya'nokon pàk, molopai nàlà kasei uyàpù ailon yapai pùla ittu auya'nokon pàk.

Revelation 2:2

“Ànkupùppù tùttuyaik sa'man pe ewe'wotokomappù molopai pàlikanài pe ewechippù. Àliton kappon yamùk pàlika auya pùla iwechi tùttuyaik. Molopai mùkyamlo tùusesassan yeunossak kon pe yeunossak kon pe pùla echii'ma ittuppù auya. Kasei pe tok wechi ittuppù auya.