John 10:38 - Patamuna New Testament Revised

³⁸ Tùse iwotokoyi kupù uya yau, ailon te auya'nokon upàk pùla là tùse, eke ton wotoko kupù uya pàk ailon katàk, Ukàipùnù wechi uyau yene kon pa molopai nàlà Ukàipùnù yau wechi ittukonpa,” tukaik.

John 10:38 ပူးပေါင်းရင်းမြစ်များ

John 10:25

Jesus uya tok maimu yeikuppù, “Tekamaikuichi àpàkù'nokon tà, tùse ailon te auya'nokon pùn. Uwotokoyi tùkussai'nùk Ukàipùnù yesek yai, màlà yamùk uya uyekama màlà.

John 10:30

Ukàipùnù molopai Iulà tawonnan mùkyamlo tewinan,” teppù Jesus uya.

John 11:4

Yetasak tùuya yau, Jesus uya, “Lazarus e'nek pe man, tùse iwelittok pe iwenukapù pen màlà. Sàlà wechi màlà Katù yapulàtok iwinà pe, molopai Katù Mumu yapulàtok yai pe,” teppù.

John 14:20

Màlà wei uyàssak yattai ittu auya'nokon màlà Iulà wechi Ukàipùnù yau molopai amyamlo wechi uyau molopai Iulà wechi ayau'nokon.

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 5:36

Tùse uponalok pe yekamanài yesappe wessaik, John yentaino. Màlà kulu wotoko ukàipùnù uya ulepatok yenuka'nùtoppe uya, tùkussai'nùk uya yekama màlà ukàipùnù uya uyeunossak pe.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.