John 10:36 - Patamuna New Testament Revised

³⁶ Katù uya uyanùnsak sàlà tùwotokoyi ku'nài pe, molopai uyeunossak ya sàlà non pona. Yà'là pe ken iwechi pàk, ‘Katù mùmotùnpayaik,’ te auya'nokon màlà masapùla, ‘Katù Mumu Iulà,’ te uya pàk?

John 10:36 ပူးပေါင်းရင်းမြစ်များ

Matthew 27:43

Katù pàk ailon tawon mùkkàlà, tàwà Katù nùpùikattài iche tùwechi yau, masapùla Katù Mumu pe tùusesassen mùkkàlà. Masaichi Katù wechi ànpùikattàpai yenpai'nokon!” teppù tok uya.

Matthew 27:54

Soicha yamùk yepulu, soicha yamùk pokonpe Jesus yelasu pe tùwessan uya tùlùpùnù molopai tamù'nawolon tùwekkussan yeneppù, tok wettalipasak wechippù màlà molopai, “Katù Mumu pe kulu iwechippù man!” teppù tok uya.

Luke 1:35

Inchelù uya yeikuppù, “Wakù Akkwalù, molopai Katù yapàikketù, uyàpù màlà àpona. Màlà pàk, pùsàlà wakù mule, yesatù màlà Katù Mumu, tukaik” teppù ya.

John 10:35

“Ittu'nokon man Katù Maimu yau iwe'menukasak wechi ailon pe tàwàlàlà. Molopai tok yesatùppù ya, ‘katù yamùk,’ tukaik, mùkyamlo Katù Maimu wettùlùppù itemyak lùssan.

John 17:18

Wolù yak uyeunokoppù auya kasa tok yeunossak uya man wolù yak.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 19:7

Jew yamùk uya Pilate maimu yeikuppù, “Ina law molo man, màlà yau iwelikù màlà tesak ya man, masapùla Katù Mumu pe tukaik iwekkupù pàk,” teppù.

John 20:28

Thomas uya yeikuppù, “Uyepulu molopai Ukatùyi,” tukaik.

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

John 3:17

Masapùla sàlà wolù pon kon kappon yamùk talumattàik Katù uya Tùmu yeunokoppù pen màlà, tùse tok wepùikattà toppe làkku yai.

John 3:34

Mùkkàlà Katù neunokoppù uya màlà Katù Maimu yekama, masapùla ipùkkù pùn Wakù Akkwalù ke Katù uya ilepasak màlà.

John 5:30

“Uyiwalà yà'làlà kupù uya pen màlà. Katù uya neken yekama yeta uya pàkàlà màlà ittu uya, màlàpàk ittuntok uya wechi màlà ailon pe. Masapùla uyiwalà iche wettok kupù uya pen sàlà, tùse Ukàipùnù uyeuno'nàippù yeselu kupù uya.

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

John 6:38

Masapùla epùn poi iyàssak Iulà uyeselu kusse pùla, tùse mùkkàlà uyeuno'nàippù yeselu kusse.

John 6:57

“Tùwemassen Ukàipùnù uya uyeunossak sàlà, màlàpàk nàlà wemapù sàlà Ukàipùnù pàkànsau. Màlà kasa làma upàk tùuta'lettàsen wemapù màlà upàkànsau.

John 6:69

Ailon nùkayan ina, molopai ina nùttuyan wakù kulu àmàlà Katù winàpaino,” tukaik.

John 8:42

Jesus uya tok pàk, “Katù wechi àkàipùnù kon pe yau, u'nùnmatok auya'nokon pan. Masapùla Katù winàpai uyàsak pàk, molopai sàlà pe talà wessaik. Uyiwalà uyàsak pen, tùse mùkkàlà uya uyeunossak.

Romans 1:4

Tùse Wakù Akkwalù uya Jesus, Katù Mumu wechi meluntà yesappe yekamasak, weli'nàtok yapai iwe'wuluukasak winà. Jesus Christ kùyepulu kon.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Romans 9:5

Amoko yamùk inamasak kon nùssan payan yamùk mùkyamlo, molopai Kùlaik , kappon pe iwettok yau, mùkkàlà tok winàpaino. Tàwà uchi Katù tamù'nawolon yepoi itepulu pe nechii, yapulà nechii tàwàlàlà! Emen.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,