John 10:31 - Patamuna New Testament Revised

³¹ Màlàyau Jew yamùk uya tàk yanùnpàttukkappù iwàtoppe tùuya'nokon ike.

John 10:31 ပူးပေါင်းရင်းမြစ်များ

Matthew 12:14

Pharisee yamùk utàppù màlà molopai tok uselupappù yà'là kasa là Jesus wàtok tùuya'nokon pàk.

Matthew 21:35

Umà mainanpannan uya itapyoto yamùk yachippù, tewin ippoppàtùppù tok uya, tùulon wànàppù tok uya, molopai tùulon wànàppù tok uya tàk ke.

Matthew 23:35

Màlàpàk tamù'nawolon kon wakù ton kappon yamùk wànnannùssan talumattàtok uyàpù màlà àpona'nokon, Abel wànàppù motapai Zechariah, Berechiah mumu wànàppù motak. Ànwànàppù kon Katù yùwùk molopai itùsak lùppù pottàtok patassek yakkletau.

John 1:19

Sàlà màlà John nekamappù Jew yamùk Jerusalem pon kon uya paatele yamùk molopai Levi payan yamùk yeunossak ànùk pe là John wechi yekamappose yattai.

John 10:24

Màlàyau Jew yamùk wepilipùppù iwoi molopai tok uya ipàk, “Yà'là pàkàlà làichi ina uya ittutok pùla ikupù auya màlà? Christ pe ewechi yau, wakù pe ina pàk yekamakà,” teppù.

John 10:32

Jesus uya tok pàk, “Tukke eke ton wotoko yamùk Ukàipùnù winàpaino yenpoikasak uya man eyemyakù'nokon. I'nai kulu sàlà yamùk wenai uwàpai ewechi kon nai'nùk?” teppù.

John 11:8

Inenupa ton uya ipàk, “Ticha, ko'manyakù'ne, kuichi, Jew yamùk ku tàk ke àwànàiche nettai, tùse ken na' uchi màlà motak àutà tukka màlà?” teppù.

John 5:18

Màlà uya tùsa'molùkaik ànwàkappai tok wenappù màlà, Jew yamùk wàlàkkattok weyu ikkwàssak ya pàk neken pùla, tùse Tùkàipùnù pe kulu Katù yekama ya molopai Katù kaichalà iwekkupù pàk.

John 8:59

Màlàpàk tàk yanùmùppù tok uya ipona yenu'matoppe tùuya'nokon. Tùse Jesus uso'namùppù, molopai iwepakkappù Katù yùwùk tapai.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.