John 10:30 - Patamuna New Testament Revised

³⁰ Ukàipùnù molopai Iulà tawonnan mùkyamlo tewinan,” teppù Jesus uya.

John 10:30 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

John 10:29

Ukàipùnù, uyemyak tok tùnàippù mùkkàlà tamù'nawolon yentaino, molopai ànù'là uya tok mokka Ukàipùnù yemyapai pen màlà.

John 10:36

Katù uya uyanùnsak sàlà tùwotokoyi ku'nài pe, molopai uyeunossak ya sàlà non pona. Yà'là pe ken iwechi pàk, ‘Katù mùmotùnpayaik,’ te auya'nokon màlà masapùla, ‘Katù Mumu Iulà,’ te uya pàk?

John 14:23

Jesus uya yeikuppù, “Ànù'là tù'nùn pe uku'nài wechi yau, enupantok uya maimu yawàlà iwechi màlà. Molopai Ukàipùnù uya tù'nùn pe ikupù màlà, molopai ina uyàpù màlà ipyak, ipyau emasse.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 16:15

Tamù'nawolon Ukàipùnù itesak pe nai'nùk màlà uponalok. Màlàpàk uchi Akkwalù uya màlà uselupatok yalà molopai yekama ya àpàkù'nokon, te uya nettai nùk,” teppù Jesus uya.

John 17:10

Tamù'nawàlà upyawon kon màlà àponalok kon, molopai tamù'nawàlà apyawon kon màlà uponalok kon. Molopai uyapulàtok uyàpù màlà tok yai.

John 5:17

Tùse Jesus uya tok pàk, “Ukàipùnù mùkkàlà tùwe'wotokomasen tàwàlàlà, màlàpàk Iulà nàlà we'wotokoma màlà,” tukaik.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

John 8:58

Jesus uya tok pàk, “Ailon kulu sàlà, Abraham wentu wapiya iwemassak lùppù Iulà. Molonnà Iulà,” teppù.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

1 John 5:7

Masapùla pùsamlo àsolùwawon kon mùyamlo yekamannan.