John 10:27 - Patamuna New Testament Revised

²⁷ Uyùkùnnon mùkyamlo umaimu yetannan, tok tùttuyaik. Molopai uwenaimannan mùkyamlo.

John 10:27 ပူးပေါင်းရင်းမြစ်များ

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 25:12

‘Ailon kulu sàlà, eyittu kon uya pùla man,’ tukaik tùwemali'ma woton umoine uya yeikuppù.”

Matthew 7:23

Màlàyau nen uchi tok pàk, ‘Eyittusak kon uya pùla man. Uwinàpai itàtàk kon àli ku'nàinan amyamlo!’ te uya màlà,” teppù Jesus uya.

Mark 10:21

Jesus uya tù'nùn pe yeneppù, molopai ipàk, “Tewin neken nà ànkupù molo man. Itàkà apyau nai'nùk ichilanmata molopai yà'là pùnon yemyak pùlayatta tùlù pa. Màlàyau temamin ke ewechi màlà epùn po. Molopai àikkà uya'là,” teppù.

Mark 8:34

Jesus uya kappon yamùk kà'mappù tùnenupa ton pokonpe tùpyak. “Ànù'là uya'là àippaino wechi yau tàwà ne'nonkai sàlà wolù yau tùwemattok winàpai, tàwà tùwettalumattàtok yanùmài molopai nùyàpùi uya'là,” teppù ya tok pàk.

Luke 13:27

‘Eyittu kon uya pùla man. Inai'là pai là àuyàssak kon ittu uya pùla man, tamùnawàlà amyamlo àli ku'nài nan!’ tukaik tu'ma yeiku ya màlà.

Luke 9:23

Màlàyau tamù'nawolon kon pàk, “Ànù’là wechi uya'là àippai yau tàwà tùwettalumattàtok yanùmùi, molopai uya'là nùyàpùi.

John 10:14

Iulà mùkkàlà wakù kalinilu yamùk yesak. Uyùkùnnon tùttuyaik molopai uyittunnan mùkyamlo.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

John 10:8

Tamù'nawolon kon uwapiya iyàssak kon wechippù màlà amak ton molopai lapumannan pe. Tùse kalinilu yamùk uya màlà tok maimu yetappù pen.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

John 21:22

Jesus uya Peter pàk, “Pàli'yau iwechi uyàpù ponalà iche wechi yau, màlà wechi ken yà'là pe àpona? Kùwenaimakà kulu àmàlà pe,” teppù.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

John 8:12

Màlà tùpo Jesus uya kappon yamùk yelupatu'mappù, “Iulà mùkkàlà sàlà wolù weyu. Ànù'là uya'là tùuyàssen usalà ewalupàttau pen màlà, tùse wema'nàtok weyu yesappe iwechi,” tukaik.

John 8:43

Yà'là pe iwechi pàk uselupa ittu auya'nokon pùla ewechi kon? Masapùla uselupatok enetapai pùla ewechi kon pàk,” teppù.

Yeunossak kon Wotokoyi 3:23

Ànù'là mùkkàlà nekama yetanài pen wepantaka màlà Katù ponalok kon kappon yamùk winàpai molopai inmatta màlà,’ teppù ya.

1 Corinthians 8:3

Tùse kappon Katù pùnùnmanài mùkkàlà Katù nùttu.

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

Hebrews 3:7

Masapùla Wakù Akkwalù wanùkayan, “Sàlà pe, Katù Maimu yeta auya'nokon yau,

Revelation 14:4

Pùsamlo mùkyamlo kàyik yamùk esuken iwekkusak kon, ulichan yamùk là pokonpe iwessak kon pen. Tok uya Kalinilu Mule wenaima màlà i'nailàlà iità yau, tok ye'masak wechippù màlà kappon yamùk kùlottapai molopai wapiya tùtùsen Katù molopai nen uchi Kalinilu Mule yemyak pe tok wechippù.

Revelation 3:20

Yetakà! Satippe wessaik manatta po molopai tei'tei ukayaik. Ànù'là uya umaimu yeta molopai manatta yakkokasak yau, itùwùk tak wewomù màlà. Uta'lettà màlà ipokonpe molopai iita'lettà màlà upokon pe.