John 10:12 - Patamuna New Testament Revised

¹² Tùse mùkkàlà te'manài ke nai'nùk, tùkùnnon pen kalinilu yamùk yesappe tùwessen, wepe màlà kalinilu yamùk winàpai àsà ene uyàpù yene tùuya yau. Màlà yattai tok yachi ya màlà molopai tok ta'nùpù ya.

John 10:12 ပူးပေါင်းရင်းမြစ်များ

Matthew 10:16

“Yetatàk kon! Kalinilu yamùk kasa eyeunoko kon uya sàlà tukkan kon àsà ton kamo yamùk kùlottak. Pukkek peichi mettàik àkài yamùk kasa molopai tenpe wakokkwa yamùk kasa.

Matthew 7:15

“Tùttuse ettàk kon, ailon pen itekale yenpoikannan pàk. Tok uyàpù màlà apyakù'nokon kalinilu kasa là tok usene màlà polopo, tùse àsà ton kamo yamùk kasa tok wechi màlà.

John 10:13

Mùkkàlà kàyik tùwepesen masapùla te'masen pe neken tùwechi pàk, molopai kalinilu yamùk pùnùnmanài pen mùkkàlà.

John 10:2

Tùse mùkkàlà manatta yai newonyai'nùk, mùkkàlà kalinilu yamùk yesak.

John 10:3

Manatta yennài mùkkàlà yakkokanài kalinilu yamùk yesak yemyak. Molopai kalinilu yamùk mùkyamlo imaimu yetannan, tùponalok kon kà'manài mùkkàlà tok yesek pàkù'ne, molopai tok yalà ya.

Yeunossak kon Wotokoyi 20:29

Masapùla tùttuyaik ànàmà kon uya tùpo, àsà ton ene yamùk uyàpù màlà àkklottakù'nokon, molopai tok uya Katù kaliniluyi yamùk, mattanùpù màlà.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 3:8

Sochi tau pùikattànnan wechi màlà wakù pe iwemattok molopai ailon pe, tùusentaikaik eke pe kulu tùwuku inchinài pe pùla wapùla pùlayatta pàk tùuseka'nonkasen pe pùla.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

1 Peter 5:2

Kalinilu yesan kasa ettàk kon, mùkyamlo Katù uya elepatok kon ike mainanpa kon pa, molopai tok imainanpatàk kon alikyek pe, Katù wettok ikupù auya'nokon iche kasa. Àwotokoyi kon ikuttàk kon e'mantoppe neken pùla, tùse pùikak pe eppai we'nàtok yapai.

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!