Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




John 10:10 - Patamuna New Testament Revised

10 Amak uyàpù màlà amak pe esse, wànse, molopai mattanù'nàse. Uyàssak sàlà wema'nàtok yesappe tok wettoppe, eke pe itesak pe tok wettoppe.

အခန်းကိုကြည့်ပါ။ ကော်ပီ




John 10:10
25 ပူးပေါင်းရင်းမြစ်များ  

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.


[Masapùla Kàyik Mumu uyàpùppù màlà iitassak kon pùikattàse.]


Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.


Molopai tok pàk, “Katù Maimu yau iwe'menukasak man, ‘Uyùwùk yesatù màlà wàpùlemantok yùwùk pe teppù,’ tukaik. {Isa 56.7} Tùse amatton uso'nantok itappe imasak auya'nokon man!” teppù ya.


“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.


Kappon yamùk yenupappù ya nen uchi, molopai tok pàk yekamappù ya “Katù Maimu we'menukasak man Katù uya, ‘Uyùwùk wechi màlà wàpùleman yùwùk pe tùpatalo'nan kon kappon yamùk ponaloppe,’ tesak, tùse amak ton uso'nantok itak pe ikussak auya'nokon man!” tukaik.


Masapùla Kàyik Mumu uyàpùppù màlà iitassak kon iwase molopai tok pùikattàse,” teppù.


“Ailon kulu sàlà,” teppù Jesus uya. “Mùkkàlà kalinilu yamùk kulalayi mùlatta yai pùla newonyai'nùk, tùse nekainùnyai'nùk tùulon yailà, mùkkàlà amak molopai lapumanài.


“Iulà mùkkàlà wakù kalinilu yamùk yesak. Wakù kalinilu yamùk yesak tùwemattok tùnài kalinilu yamùk ponaloppe.


Ànù'là umaimu yetanài molopai yawàlà tùwessen pen kottùma uya pen màlà. Wolù yawon kon kappon yamùk kottùmaik uyàssak pen sàlà, tùse tok pùikattàik.


Judas uya wateppù màlà, entuppa'nokon pàk tùusentuppa pàk pùla, tùse amak pe tùwessen pe tùwechi pàk, molopai pùlayatta yen tùpyawon yapai tùwepùikattàsek pàk.


Masapùla sàlà wolù pon kon kappon yamùk talumattàik Katù uya Tùmu yeunokoppù pen màlà, tùse tok wepùikattà toppe làkku yai.


Tùse upyak àuyàpù kon pùla man wema'nàtok yepolo kon pa.


Masapùla màlà pùlomù pusak Katù nùtùlù mùkkàlà iyàssak nai'nùk epùn poi, wolù yawon kon kappon yamùk lepase wema'nàtok ke,” teppù.


Iulà mùkkàlà nulànan pùlomù pusak epùn poino. Ànù'là ina'nàippù wemapù màlà tàwàlàlà. Molopai sàlà pùlomù pusak màlà upun untùlù nulà we'nàtok ke lepanài, wolù yawon kon kappon yamùk wemattok ike pe,” teppù nàlà Jesus uya tok pàk.


Àmàlà nen uchi tùulon kon panamanài, tùwepanamasen pen ken na' àmàlà eyiwalà? Amappe we'nà tukaik itekale yekamanài àmàlà. Amappeichi tùwessen àmàlà?


Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.


Masapùla ikupù pàk tùwekkuttok wechi tùwemyakanmasen pe pùla enekamapai Katù wechippù màlà wakù pe. Mùkyamlo wakù ton tùwinàpaino yepolo woton kon pàk wateppù ya. ‘Ikupù uya teppù tùuya kupùppù ya màlà.’


Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.


Molopai Katù uya epùn mùlatta yakkoka màlà eke pe, ewewomù kon pa tàwàlàlà itepulu pe Kùyepulu, Kùpùikattànài Christ Jesus wettok yak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ