John 1:45 - Patamuna New Testament Revised

⁴⁵ Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 1:45 ပူးပေါင်းရင်းမြစ်များ

Matthew 10:3

Philip molopai Bartholomew, Thomas molopai Matthew pùlayatta pili'nài, James, Alphaeus mumu, molopai Thaddaeus,

Matthew 13:55

“Tapùi yamùnài mumu pen ken na' mùkkàlà? Mary pen ken na' mùkkàlà ichan yesek? Molopai James, Joseph, Simon, molopai Judas tawonnan pen ken na' uchi mùkyamlo yakon non?

Matthew 2:23

Tùpata konekappù ya màlà Nazareth po. Sàlà kupùppù ya màlà Katù Maimu yenpoikannan uya, màlà kasa iwechi màlà teppù kasa. “Nazarene pe yesatù màlà,” tawon.

Matthew 21:11

“Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Mark 14:67

Màlàyau Peter wa'no yeneppù ya molopai itenupàkàlà iwechippù, molopai, “Àmàlà nàlà mùkkàlà Jesus Nazareth poino ya'lon,” teppù ya.

Mark 6:3

“Mùkkàlà ken na' tapùi yamù pàk tùwessen pen, Mary mule, James, Joseph, Judas, molopai Simon yamùk lui pen ken na' mùkkàlà? Iwàlichi ton pen ken na' mùkyamlo talà nai'nannùk?” tukaik tok usekamappopàtùppù. Màlàpàk tok uya inulunpappù.

Luke 18:37

“Jesus, Nazareth pon, pata yentakayan,” teppù tok uya ipàk.

Luke 2:4

Joseph utàppù màlà Nazareth, Galilee pon poi Judea pona, pata Bethlehem pona, Kin David pata lùppù yak. Joseph utàppù màlà masapùla David pa pe tùwechi pàk.

Luke 2:48

Ichan yamùk usenumenkappù màlà yensak tùuya'nokon yau. Màlàyau ichan uya, “Umle, yà'là peichi iwechi pàk sàlà mùkupùi ina winàkaik? Àkàipùnù molopai Iulà sa'ne tawonnan nen mà nùtaimelunpatai eyiwa pàk tà,” teppù ipàk.

Luke 24:27

Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Luke 3:23

Tùwotokoyi piyattà tùuya yau, Jesus wechippù màlà 30 kaichalà ikilichimochiyi. Joseph, Heli mumu, mumu pe kappon yamùk uya yekamappù.

Luke 4:22

Molopai tamù'nawolon kon uselupappù wakù pe màlà ipàk. Molopai tok usenumenkappù wakù mayin iichelupappù lùppù pàk. Tok uya, “Joseph mumu pen ken na' mùkkàlà?” teppù.

John 1:44

(Philip wechippù màlà Bethsaida poino pe, Andrew molopai Peter tawonnan pata yapaino pe.)

John 12:21

Tok uyàpùppù Philip piyak, Galilee yawon Bethsaida pon piyak, “Jesus enenpai ina man yakko,” teppù tok uya ipàk.

John 14:8

Philip uya, “Itepulu, Àkàipùnù yenpoikakà ina uya yentoppe, màlà neken nà iche ina man,” teppù.

John 18:5

Tok uya imaimu yeikuppù, “Jesus Nazareth pon,” tukaik. Jesus uya, “Iulà mùkkàlà,” teppù tok pàk. Judas nàlà yeimipponàippù wechippù satippe tok piyau.

John 18:7

Màlàyau Jesus uya tok yekamappotu'mappù, “Ànùk mùwayatàu?” tukaik. Tok uya, “Jesus Nazareth pon,” teppù.

John 19:19

Pilate uya, “Jesus Nazareth pon, Jew yamùk Kinù,” tukaik imenukasak lùppù tùlùppù pulusuk pona.

John 21:2

Simon Peter, Thomas munuik tukaik tesassen, Nathanael, Cana Galilee pon poino, Zebedee mumu yamùk, molopai asa'là tùulon kon Jesus nenupa ton nùssan wechippù màlà molo tamùkke.

John 6:42

Tok usekamappopàtùppù, “Joseph mumu ken na' Jesus pen pùsàlà? Ikàipùnù molopai ichan tawonnan ken na' kùnùttu kon pen? Yà'là kasa ken uchi, ‘epùn poi iyàssak Iulà,’ te ya nai'nùk?” tukaik.

John 6:5

Jesus uya tenu tùlùppù, molopai ilinà kappon yamùk uyàpù tùwinàkàik yeneppù ya. Philip pàk, “I'nai motau ken kùyali ye'ma pe nai tamù'nawolon kon pùsamo yewettoppe?” teppù ya.

John 6:7

Philip uya imaimu yeikuppù, “200 pe chilùpa pun uya kùyali ye'ma pen ima'le iwechi, tamù'nawolon kon uya yonpatoppe,” tukaik.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Yeunossak kon Wotokoyi 22:8

‘Ànùk ken uchi àmàlà, uyepulu?’ tukaik yekamappoppù uya. ‘Jesus Iulà, Nazareth pon mùtalumattàyai'nùk,’ teppù ya upàk.

Yeunossak kon Wotokoyi 26:9

“Iulà nàlà uya tamù'nawàlà yà'làlà kupù Jesus Nazareth pon yesek winàkàik pe yekamappù.

Yeunossak kon Wotokoyi 3:6

Peter uya, “Pùlayatta pùla kulu wessaik, tùse elepa uya sàlà itesak pe wettok ke. Jesus Christ Nazareth pon yesek yau, à'mùssakkakà molopai asakà, te uya sàlà,” teppù ipàk.