John 1:42 - Patamuna New Testament Revised

⁴² Molopai yalàppù ya Jesus piyak. Jesus uya yeneppù molopai “Àmàlà mùkkàlà Simon, John mumu, Cephas tei'ma eyesatù màlà,teppù ya ipàk ” Peter, te ya pe iwechi.

John 1:42 ပူးပေါင်းရင်းမြစ်များ

Matthew 10:2

Sàlà yamùk uchi màlà teunossan yesek. Wapiyalok mùkkàlà Simon (Peter itesek) molopai itonpa Andrew, James molopai yakon John, Zebedee munkà yamùk,

Mark 3:16

12 pe kaichalà inkà'massan wechippù màlà. Simon, yesettàppù ya Peter pe,

Luke 5:8

Iwekkussak lùppù yensak tùuya yau, Simon Peter wenappù tese'mu yok Jesus yemloto po molopai, “Itàkà uwinàpai Uyepulu, masapùla Iulà mùkkàlà àli umakuyi yawon!” teppù ya.

Luke 6:14

Simon (Peter pe nàlà inesettàppù) molopai Andrew itonpa, James, John, Philip, Bartholomew,

John 13:18

“Tamù'nawolon kon amyamlo pàk uselupa pen nai'nùk, tùttuyaik nen unanùmùssan. Tùse Katù Maimu uya, ‘Mùkkàlà pùlomù pussak nassai'nùk upyak welattàsak man uwinàkàik,’ teppù kasa iwechi màlà.

John 21:2

Simon Peter, Thomas munuik tukaik tesassen, Nathanael, Cana Galilee pon poino, Zebedee mumu yamùk, molopai asa'là tùulon kon Jesus nenupa ton nùssan wechippù màlà molo tamùkke.

John 4:16

Jesus uya ipàk, “Itàkà atayappù ikà'mata, molopai menappoik sàlà motak,” teppù.

1 Corinthians 1:12

Sà kasa te uya uya wate. Tewinan nà uya, “Paul ya'lon Iulà” te, tùulon uya, “Apollos ya'lon Iulà” te, tùulon uya, “Cephas, Peter tukaik tesassen ya'lon Iulà” te, molopai tùulon uya, “Christ ya'lon Iulà” te.

1 Corinthians 15:5

Ichenpoikappù màlà Cephas, Peter piyak, molopai nen uchi 12 pan kon yeunossak kon piyak.

1 Corinthians 3:22

Paul wapùla Apollos wapùla Cephas, Peter tukaik tesassen wapùla sàlà wolù wapùla wema'nàtok wapùla weli'nàtok wapùla sàlà pe nai'nùk wapùla ewanawà nai'nùk, tamù'nawàlà sàlà yamùk màlà àponalok kon.

1 Corinthians 9:5

Tùulon kon yeunossak kon nùkupù kupù'nokon wechi ken na' uchi ikasa pùla màlà, kùnoppù kon yalà kùya'là'nokon, Itepulu Jesus yakonnon molopai Peter yamùk kasa?

Galatians 1:18

Àsolùwau kilichimochi tùpo utàppù màlà Jerusalem pona, Cephas, Peter tukaik tesassen pokonpe essepose, molopai uko'mamùppù ipyau 15 pe wei.

Galatians 2:11

Peter uyàssak Antioch pona yau, yàulàmappù uya itenpatak, masapùla ikasa pùla kulu iwechi pàk.

Galatians 2:9

James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.