John 1:33 - Patamuna New Testament Revised

³³ Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 1:33 ပူးပေါင်းရင်းမြစ်များ

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

John 1:31

Iulà uya là ittu pùla iwechippù màlà, tùse uyàpùppù màlà tuna ke enpataukanse, Israel piyak iichenpoika toppe,” teppù John uya.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 3:34

Mùkkàlà Katù neunokoppù uya màlà Katù Maimu yekama, masapùla ipùkkù pùn Wakù Akkwalù ke Katù uya ilepasak màlà.

John 3:5

Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

John 7:39

Wate tùuya yau ichelupappù màlà Akkwalù pàk, tùpàk ailon tawonnan nepolo woton pàk. Màlà tepose Akkwalù tùsak pùla lùppù iwechippù masapùla Jesus wuluukappù pùla iwechi pàk tùnamatok patassek yak.

Yeunossak kon Wotokoyi 1:5

“John uya enpatauka'nàppà màlà tuna ke, tùse eyenpatauka kon màlà Wakù Akkwalù ke, tukke kulu wei tùpo pùla,” teppù Jesus uya tok pàk.

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.