John 1:14 - Patamuna New Testament Revised

¹⁴ Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:14 ပူးပေါင်းရင်းမြစ်များ

Matthew 1:16

Jacob wechippù, Joseph kàipùnù pe. Joseph, Mary tayappù kàipùnù pe iwechippù. Jesus, Christ tukaik tesassen yan.

Luke 2:11

Sàlà yewalupàyi tau David pata po Eyepulu kon wentusak man, Christ itesek, Itepulu mùkkàlà!

Luke 2:7

Màlàyau wapiyalok walawok tùmle ke iwentuppù paka yamùk yùwùk tau, masapùla patassek pùla iwechi pàk. Molopai iwontappù ya pon pùkkùlùppù ke. Inonkappù ya paka yamùk yeipa yen yak.

Luke 9:32

Peter molopai itonpa yamùk we'nùnsak wechippù màlà. Tùse tùupakasak kon yau, Jesus yakkwayi yeneppù tok uya molopai asa'lon kon kàyik yamùk ipyau satippe.

John 1:1

Iwepyattà pe Mayin wechippù màlà, molopai Mayin wechippù Katù piyau, molopai Mayin wechippù Katù pe.

John 11:40

Jesus uya Martha pàk, “Àpàk uchi yekama uya pùn, ailon te auya yau Katù yapulàtok yene auya màlà te uya pùn na?” teppù.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 17:22

Tok lepappù uya màlà ulepappù auya lùppù namantok ke, tewin tok wettoppe, tewin we'nà nai'nùk kasa,

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 18:37

Màlàpàk Pilate uya ipàk, “Màlàyau ken na' kin àmàlà?” teppù. Jesus uya yeikuppù “Kin àmàlà mùkayaik làkku. Wentusak màlà sàlà wolù yak molopai uyàpùppù sàlà pàkànsau, ailon pàk eselupaik. Tamù'nawolon kon ailon winon kon umaimu yetannan,” teppù Jesus uya Pilate pàk.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

John 3:18

Ànù'là ailon tawon ipàk talumattàsak pen màlà, tùse ànù'là ailon tawon pen ipàk talumattàkasak màlà. Masapùla tewinan molopai i'nùn kulu Katù Mumu yesek pàk ailon tesak ya pùla iwechi pàk.

John 6:51

Iulà mùkkàlà nulànan pùlomù pusak epùn poino. Ànù'là ina'nàippù wemapù màlà tàwàlàlà. Molopai sàlà pùlomù pusak màlà upun untùlù nulà we'nàtok ke lepanài, wolù yawon kon kappon yamùk wemattok ike pe,” teppù nàlà Jesus uya tok pàk.

John 8:32

Ailon ittu auya'nokon màlà, molopai ailon uya apyoto pe pùla àkupù kon,” teppù.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Romans 9:5

Amoko yamùk inamasak kon nùssan payan yamùk mùkyamlo, molopai Kùlaik , kappon pe iwettok yau, mùkkàlà tok winàpaino. Tàwà uchi Katù tamù'nawolon yepoi itepulu pe nechii, yapulà nechii tàwàlàlà! Emen.

1 Corinthians 15:47

Wapiyalok kàyik konekappù màlà non ippunuppù yapai, ite'mappù pokon kàyik epùn winàpaino.

2 Corinthians 12:9

Tùse upàk, “Wakù kuttok uya wechi màlà tamù'nawàlà àponaloppe, masapùla umeluntàlù wena màlà wakù pe kulu atu'mùla ewechi yau,” teppù ya. Màlàpàk utauchinpa kulu màlà utapulà attu'mùla wettok yau pàk, Christ meluntàlù wàlàkkattok pe upo.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Colossians 1:19

Masapùla tamù'nawàlà tùmàlà pe Tùmu yau eppai Katù wechippù màlà.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Colossians 2:9

Masapùla tamù'nawolon Katù yau nai'nùk wechi màlà Christ yau.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 1:5

Masapùla inchelù yamùk pàk, “Umu àmàlà, sàlà pe Àkàipùnù pe wenasa'man,” tawon pen. Wapùla Katù uya, “Ikàipùnù pe wena màlà, molopai Umu pe iwechi màlà,” tesak pùla iwechi màlà tok pàk

Hebrews 10:5

Màlàpàk, sàlà non pona tùuyàpù yau Christ uya Katù pàk, “Kamo yamùk tùwàse molopai tùpottàik eyemyak itùtok iche pùla messaik, tùse uyesak konekasak auya nai'nùk uponaloppe.

Hebrews 2:11

Asakklàma, mùkkàlà esuken kappon yamùk konekanài molopai mùkyamlo inkonekassan esuken wechi màlà tewin Ikàipùnù. Màlàpàk uchi Jesus wekuli'ma pùla iwechi màlà tok yesatù tùuya pàk tùkàipùnù munkà pe.

Hebrews 5:5

Màlà kasa làma Christ uya namantok yanùmùppù pen tùpona eke kulu patele pe tùwena yau. Tùse Katù uya ipàk, “Umu àmàlà, sàlà pe Àkàipùnù pe wenasak man,” teppù.

1 John 4:14

Molopai yensak kùuya'nokon man molopai yekama man tùulon kon pàk Kùkàipùnù uya Tùmu yeunokoppù sàlà wolù yawon kon pùikattànài pe iwettoppe.

1 John 4:9

Sàlà kasa Katù uya pùnùnmantok tùuya yenpoikappù kùponaloppe: tewinan Tùmu yeunokoppù ya sàlà non pona yai wema'nàtok yesappe we'nàtoppe.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.

Revelation 19:13

Pon, yau iwettok wechippù màlà mùn yak ikichappe. Esek mùkkàlà yesattok yau wechippù “Katù Maimu,” tukaik.

Revelation 21:3

Eke mayin uselupa yetappù uya aponnok winàpai, “Katù patassek nen uchi kappon yamùk piyau man! Tok pokonpe iwemapù màlà, molopai iponaloppe tok wechi màlà. Katù wechi màlà tùmàlà pe tok piyau, molopai tok Katùyi pe iwechi màlà.