James 5:10 - Patamuna New Testament Revised

¹⁰ Utonpa yamùk, Katù Maimu yenpoikannannùsan Itepulu yesek yau ittutàk kon. Eyenu kon yappolù pe tok nechii. Tùusetakkaik pùla tok wechippù tùwettalumattàtok kon yawàlà lànen kan.

James 5:10 ပူးပေါင်းရင်းမြစ်များ

Luke 13:34

“Jerusalem, Jerusalem! Katù Maimu yenpoikannan wànnan amyamlo, molopai tekale yekamase Katù neunokossan wàn nan amyamlo tàk ke. Yà'là kaichalà là itekkwa uyemekun àntùpai wechippù tamù'nawolon kon kappon yamùk àpon kon woi, kalicho uya tùmunkà yamùk pilipù tapàli yokoik kasa, tùse unulunpappù auya'nokon.

Luke 6:23

Tùuseka'nonkaik matauchinpatàik màlà wekkupù yau, masapùla eke e'mantok kupù man àponalok kon pe epùn po. Masapùla tok tamo yamùk uya màlà, màlà kupùppù Katù Maimu yenpoikannan winàkàik.

Yeunossak kon Wotokoyi 3:21

Epùn po iwechi màlà tamù'nawolon wenatok emennak pe yattai uyàpù ponalà, Katù uya yekamappù pena wakù ton tùmaimu yenpoikannan yai kasa.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

James 5:13

Ànù'là na' molo nai àkklotau'nokon tùwettalumattàsen? Tàwà nàpùlemai. Ànù'là na' nùtauchinpayan àkklottau'nokon? Tàwà nùselenpai Katù yapulà pe.

James 5:7

Kesetakkatàu uchi imàmuttàk kon ipàlikatàk utonpa yamùk, Itepulu uyàpù ponalà. Imasa yentàk kon yà'là kasa là umà pànnài wechi tùusetakkaik pùla tùnpàmàppù umla molopai iwepeta màmuku pàk. Konok màmu'nài mùkkàlà, wapiyalok molopai emennùppù tùuyàssen konok màmu'nài.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.