James 4:11 - Patamuna New Testament Revised

¹¹ Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

James 4:11 ပူးပေါင်းရင်းမြစ်များ

Luke 6:37

“Ànù'là winàkàik àli pe kesenumenkatàu àli pe usenumenkan ewinàkàik tukaik. Ànù'là kùttalumattàtàu, Katù uya atalumattà kon tukaik ànù'là pàk mesentuppatàik molopai Katù usentuppa màlà àpàkù'nokon.

Romans 2:1

Màlàpàk uchi ewe'waputtàtok ike pùla iwechi màlà, masapùla tùulon kon pàk, “Suwa iwechi,” tawon àmàlà, àpàk wa te auya pe iwechi màlà masapùla màlà lùppù tok nùkussai'nùk kupù auya pàk.

Romans 2:13

Masapùla Law yeta tok uya winà neken nà ikasa kappon yamùk yanùnsak Katù pokonpe pen màlà, tùse làkku ikupù tok uya winà.

Romans 7:7

Yà'là te'nokon ken uchi? Law wechi màlà àli pe te'nokon ka'lù? Kanekku! Tùse law màlà àli ittutoppe uya uku'nàippù. Masapùla tùulon yemamin iche we'nàtok wechi ikasa pùla ituppù uya pen sàlà eppaino, law uya, “Tùulon yemamin iche kechii!” tesak pùla iwechi yau. {Ex 20.17 Deu 5.21}

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

Ephesians 4:31

Tamù'nawolon àli pe usàulàmantok, molopai we'naikantok inonkatàk kon. Wentaimepà'nàtok wapùla wemottùnpantok nàlà inonkatàk kon! Esseyaton pàk we'nàtok pùla nechii àkklottau'nokon.

1 Timothy 3:11

Tok noppù wechi nàlà màlà wakù pe, àli pe tùuselupasen tùtonpa pàk pe pùla; wakù pe tùttuik tùwemassen pe, ailon pe tamù'nawolon yau tùwessen pe.

2 Timothy 3:3

iichi'nùnmatok pùla, tùusentuppasan pe pùla, eimipponnan àli pe tùuselupa kon ke, tesak kon pen molopai àsà ton; wakù wechi tok yewanma pe màlà;

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

James 1:16

Màlàpàk kesennakatàu, utonpa yamùk u'nùn ton!

James 1:19

Sàlà ittutàk kon, utonpa yamùk kulu! Tàwà tamù'nawolon kon asse'ne yetanài nan pe nechii, tùse tànànpàk tùuselupasan pe, molopai asse'ne tùwe'naikasen pe pùla.

James 1:25

Tùse mùkkàlà, Law Katù winàpaino yennài echipalà, kappon yamùk pùikattànài àli kuttok yapai yennài molopai yene pàk tùwessen, tùnetappù tùputtà'ka'nùsse pùla tùse iku'nài, mùkkàlà pùlema màlà inkupù yawàlà.

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

James 5:10

Utonpa yamùk, Katù Maimu yenpoikannannùsan Itepulu yesek yau ittutàk kon. Eyenu kon yappolù pe tok nechii. Tùusetakkaik pùla tok wechippù tùwettalumattàtok kon yawàlà lànen kan.

James 5:7

Kesetakkatàu uchi imàmuttàk kon ipàlikatàk utonpa yamùk, Itepulu uyàpù ponalà. Imasa yentàk kon yà'là kasa là umà pànnài wechi tùusetakkaik pùla tùnpàmàppù umla molopai iwepeta màmuku pàk. Konok màmu'nài mùkkàlà, wapiyalok molopai emennùppù tùuyàssen konok màmu'nài.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.

1 Peter 2:1

Màlàpàk uchi tamù'nawolon àli ton inonkatàk kon: kasei pe kettàu, tùulon kon kùsennakattàu, kùlùmàppe kettàu, wapùla mottùnpan pe uselupantok kùsapulàtàu!