James 3:6 - Patamuna New Testament Revised

⁶ Molopai ani màlà apok walai, iwanùssak àli ke molopai maippanài tamù'nawàlà pùnaimanài awàlà molopai tamù'nawolon wema'nàtok pottànài apok tùusà'nùssen pen apok patassek yapai iyàssak tùpona ke.

James 3:6 ပူးပေါင်းရင်းမြစ်များ

Matthew 12:24

Sàlà yetasak tùuya'nokon yau Pharisee yamùk uya yeikuppù, “Àli akkwalù yamùk yenpakkanài mùkkàlà masapùla tok yepulu Beelzebul uya màlà kuttoppe tùuya meluntà ke tùlepa pàk neken,” tukaik.

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Mark 7:15

“Yà'làlà newonyai'nàk ayak àli pe àkupù woton pùla iwechi màlà. Tùse ayapai neken nepakkayai'nùk màlà àli pe àku'nài,” teppù Jesus uya tok pàk.

Luke 16:24

Màlàpàk iwentaimeppù, ‘Ukàipùnù Abraham! Esentupakkà tàwà upàk, molopai Lazarus yeunokkà temyatù putu kiche tuna kak molopai uyani pùnàppanka toppe ya, masapùla e'nek pe kulu uyassaik sàlà apok yau!’ tukaik.

Yeunossak kon Wotokoyi 20:30

Àtonpa kon yamùk là wettok kasei pe woton, molopai Jesus ya'lon kon lattà tok uya màlà tùpàkàlà'nokon.

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

Yeunossak kon Wotokoyi 6:13

Màlàyau tok uya kàyik yamùk nepùppù tùukaseita woton kon iwinàkàik. “Pùsàlà kàyik tùuselupa pàk man Wakù Katù Yùwùk winàkàik molopai law winàkàik,” tukaik.

Titus 1:11

Tok uselupa yeleutanùpù pe là nen iwechi màlà, masapùla kappon yamùk yaimelunpayan tok, tok munkà pokonpe màlà enupantok tùuya'nokon yekama tùuya'nokon ke, màlà kappon yenupatok yek pen ke, àli pàkànsau pùlayatta yepotoppe tùuya'nokon.

James 2:7

Pùsamloichi mùkyamlo tùuselupasan àli pe wakù eyesek Katù uya elepatok kon winàkàik.

James 3:7

Kappon mùkkàlà elannek ton yesepankanài elanmùla molopai kamo yamùk, tolon yamùk, àkài yamùk, molopai tuna kawon kon kussak ya man elanmùla.

2 Peter 3:3

Tamù'nawolon wapiya, mùttutàik iwenukapù pe tùulon kon kappon yamùk usenpoika iwemattok kon àli ànkupai tùwettok itepulu ton. Tok uya àmottùnpa kon màlà

3 John 1:10

Uyàssak yau nen uchi, màlà tamù'nawolon àli pe ichelupappù kùwinàkài'nokon yekama uya ipàk: tamù'nawolon kasei pe ichelupappù yekama uya màlà. Tùse màlà neken pen, ailon tawonnan Katù pàk tonpa wannà yamùk yanùmù ya pùla iwechi màlà tok uyàssak yau, molopai nàlà mùkyamlo ananùnpai nokon yeleutanùpù ya. Tok yenpakkaiche tùwessen mùkkàlà sochi tapai.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 18:23

Yà'là yattai tu'ma là lanppu yakkwayi usene ayau pen màlà, tùwemali'masan ema'non molopai umoine tawonnan maimu useta ayau pen. Mamin chilanman nan molopai ye'mannan, àponalok kon wechippù kulu màlà eke pe tamù'nawàlà sàlà non po, molopai epiyassanù ke tamù'nawàlà kappon yamùk non pon kon yennakappù auya,” teppù ya nàlà.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.