James 2:8 - Patamuna New Testament Revised

⁸ Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

James 2:8 ပူးပေါင်းရင်းမြစ်များ

Matthew 22:39

Yakon tùkussen kulu màlà sàlà walai, ayakontalù i'nùnmakà àmàlà mù'nùnmayai'nùk kasa, tawon.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 25:23

‘Wakù kussak auya man! Wakù molopai ailon uyapyoto, ailon pe ewessak man malalon nùkkwà pùlayatta pilipù pàk. Màlàpàk àtùlù uya màlà eke mainanpa pa. Àikkà molopai utauchinpa tonpa pe ewechi pa,’ teppù itepulu uya.

Matthew 7:12

“Ewinàkàik ikupù iche ewettok kon mùkuttàik tùulon kon winàkàik. Sàlàichi màlà Law molopai Katù Maimu yenpoikannan uya enupantok,” teppù Jesus uya.

Romans 13:10

Màlàpàk ànù'là, tùtonpa ku'nài tù'nùn pe uya là àli kupù iwinàkàik pen màlà. Uchi'nùnmantok wechi màlà tamù'nawolon Law maimu yawàlà.

Galatians 5:14

Masapùla tamù'nawolon law pilichak màlà tewinan usenupantok uya, “Ayakontalù i'nùnmakà eyiwalà mechi'nùnmayai'nùk kasa,” tawon. {Lev 19.18}

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Philippians 4:14

Tùse wakù pe mettantàu upùikattà pàk wettalumattàtok yau.

1 Thessalonians 4:9

Suwa kuluichi àtonpa kon mù'nùnmatàik tukaik emenukatok kon uya iwenai woton pùla man. Masapùla Katù uya apanamappù kon màlà yà'là kasa là tùuchi'nùnmaik ewemattok kon pàk.

James 1:25

Tùse mùkkàlà, Law Katù winàpaino yennài echipalà, kappon yamùk pùikattànài àli kuttok yapai yennài molopai yene pàk tùwessen, tùnetappù tùputtà'ka'nùsse pùla tùse iku'nài, mùkkàlà pùlema màlà inkupù yawàlà.

James 2:12

Eselupatàk kon molopai elaikatàk kon kappon yamùk pe tùttusan woton kon pe Law maimu winà kappon yamùk nonkanài molopai tok mokkanài winà.

James 2:19

Ailon tawonnan amyamlo tewinan neken Katù wechi molo pàk. Wakù pe man! Àli yakkwalù yamùk nàlà mùkyamlo ailon tawonnan, molopai ippla tùkùtùkù pe tùwettalippasan tùplànài'nùnsan.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.