Hebrews 9:10 - Patamuna New Testament Revised

¹⁰ Sàlà yamùk màlà tùkussan kùyali molopai tinchisen ke molopai tùpatalo'nan wekolùkantok ke. Kappon yamùk uya sàlà wema'nàtok yawà kupùppù màlà, emennak molopai wakù kulu ke imyakanma weyu uyapù ponalà.

Hebrews 9:10 ပူးပေါင်းရင်းမြစ်များ

Mark 7:4

Wapùla yà'làlà kùyali chilanmatok yau ye'masak kùyali na'nài nan pe pùla tok wechippù màlà. Wapiya tùkukase pùla. Tukkan tùwemattok kon yawàlà yawà tok wechippù, pùsau, àinà, tuna yen molopai tùwe'nùmù kon yapon kukatok yawàlà.

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

Ephesians 1:10

Katù uya ikupù màlà yenuka'nùpù ya iwalai iweyu yattai, tamù'nawolon kon tùnkonekassan nepù Ya tamùkke, tamù'nawolon kon epùn pon kon, molopai non pon kon, màlàyau Christ wechi nen uchi màlà tamù'nawolon yepoi.

Ephesians 2:15

Law, Moses winàpaino yeleutanùpùppù ya, inenupa molopai sà ikukkà tetok ya pokonpe, tùpatalon kon kappon yamùk konekappù ya tùmàlà tùyau tewin tok wettoppe, echitonpa pe.

Colossians 2:16

Màlàpàk àli pe ànù'là kùsselupatak annapù kon wapùla eninchi kon pàk, wapùla Jew yamùk nùkupù tùnamasen kupù auya'nokon pùla iwechi pàk, uta'lettàntok yekkwa wapùla kapùi wepakkasak emennak pe yattai tùkussan, molopai tùnamasan Jew yamùk wàlàkkattok yattai nokon pàk.

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

Hebrews 2:5

Inchelù yamùk kupù ya pùn, tùuyàpù woton wolù yepulu pe tok wettoppe, ipàk uselupan nokon nai'nùk.

Hebrews 6:2

Molopai enupantok usenpataukantok pàk wapùla mùyak nonkatok kappon pona wapùla iwelichak we'wuluukatok, molopai Katù uya àli ton talumattàtok tàwàlàlà pàk neken pùla.

Hebrews 6:5

Katù Maimu wechi wakù pe ittu tùpo molopai nùyàssai'nùk wema'nàtok meluntàlù nàlà ittu tùpo.

Hebrews 7:12

Masapùla paatele pe we'nàtok wemyakanmasak yau, Law wemyakanma kulu nàlà màlà.

Hebrews 7:16

Mùkkàlà yanùmùppù pen màlà Law yawàlà itamo pàkànsau. Tùse paatele pe iwenappù màlà ànù'là nùmattanùppù pen làkku wema'nàtok meluntàlù yai.

Hebrews 9:1

Wapiyalok Katù wekkutok ikupù pàk wechippù nàlà Katù yapulàtok yau, yawàlà we'nàtok yesappe molopai màlà kasa làma Katù yùwùk wechi màlà tùnamasen pe sàlà non po.