Hebrews 8:8 - Patamuna New Testament Revised

⁸ Tùse Katù utauchinpasak pùla iwechippù màlà tùponalok kon kappon yamùk pàk, “Wei nùyàssan, emennak ikupù pàk wekkuttok kuttok uya yattai Israel pon kon pokonpe, molopai Judah kok pokonpe,” te tùuya yau.

Hebrews 8:8 ပူးပေါင်းရင်းမြစ်များ

Matthew 26:28

Masapùla sàlà màlà umùnù Katù uya ikupù tùuya tetok. Umùnù sàlà ikkwansak tukkan kon ponaloppe, àli kuttok pàk usentuppantoppe.

Mark 14:24

Jesus uya tok pàk, “Sàlà màlà umùnù iwekkwansak tukkan kon ponaloppe. Umùnù, Katù uya ikupù tùuya tetok wemyakanma pùla iwechi yekamanài,” teppù.

Luke 17:22

Màlàyau ta'lon kon pàk, “Wei uyàpù màlà Kàyik Mumu weyu, enenpai ewettok kon yattai, tùse yene auya'nokon pen màlà.

Luke 22:20

Màlà kasa làma pùsau tùlùppù ya uta'lettàka'nàppà ye'mappùtak, “Sàlà màlà emennak pe Katù nùkuppù, ikopposak umùnù ke, ikwansak lùppù àponalok kon pe,” tei'ma.

Luke 5:38

Kane! emennak tinchisen yemaika nen màlà emennak wai yak.

1 Corinthians 11:25

Màlà kasa làma kok yanùmùppù ya màlà uta'lettàn tùpo. “Sàlà kok màlà emennak ikupù tùuya tetok Katù uya umùnù yau, sàlàichi mùkuttàik, inchi auya'nokon kaichalà uyittutok auya'nokon ipàkàlà pe,” teppù ya.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

Hebrews 12:24

Jesus piyak àuyàssak kon man, emennak ikupù pàk tùwekkuttok ku'nài piyak. Molopai mùn yappasa'masak, wakù peiwa nùselupayai'nùk Abel mùnù yentai piyak.

Hebrews 7:22

Wa iwechi pàk Jesus kussak màlà wakù peiwa, “Ikupù tùuya tetok Katù uya,” yentok ipàkàlà pe, wapiyalok lùppù kasa pùla.

Hebrews 8:13

Emennak pe ikupù pàk tùwekkuttok pàk tùuselupa winà, Katù uya wapiyalok kussak penalok pe màlà. Molopai yà'làlà nùpoippàtayai'nùk wapùla tapulàsen pe pùla nai'nùk waliwomù màlà.

Hebrews 8:6

Tùse Jesus wotokoyi wechi màlà non pon kon Eke paatele yamùk wotokoyi yentai. Màlà kasa emennak wakù ikupù tùuya teppù Katù uya yenpoikanài pe iwechi màlà ipoippà yentai. Katù molopai kappon yamùk yakkletau Jesus wechi màlà.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.