Hebrews 8:5 - Patamuna New Testament Revised

⁵ Màlà tok we'wotokomatok itau, Katù yùwùk yesappe, wechi màlà epùn yau nai'nùk patakatok pe wapùla yakkwalùppù pe neken, wa iwechi pàk Moses yekamappoppù màlà iwekoneka tappulin kali'maya tùse, “Tamù'nawolon uchi mùkonekaik wùk po yenpoikasak lùppù àpàk kasa,” tukaik.

Hebrews 8:5 ပူးပေါင်းရင်းမြစ်များ

Matthew 2:12

Katù uya tok yelupappù we'neppà'nàtok yau, “Herod piyak kennappotàu,” tukaik. Màlàpàk tok wennappoppù tùulon asanta tawà.

Yeunossak kon Wotokoyi 7:44

“Kùtamo kon yamùk piyau Katù yapulà kùtamo kon yamùk uya yùwùk wechippù wontaik yau. Ikonekasak wechippù màlà Katù uya Moses pàk yekamappù kasa, yamùtok yawà yekamappù Moses pàk yawàlà.

Colossians 2:17

Tamù'nawolon sàlà yamùk màlà ewanawolok kon yakkwalùppù neken. Jesus Christ nen mùkkàlà ailon.

Hebrews 10:1

Law màlà wakù ton nùyàssai'nannùk yakkwalùppù neken, tùse ikasa kulu pùla iwechi. Masapùla ikasa kulu ànù'là Katù yapulàse tùuyàssan konekanài pen màlà. Màlà yamùk iwàsak kon molopai ipottàsak kon kamo yamùk wechippù màlà, màlà lùppù pe tàwàlàlà kilichimochi kaichalà.

Hebrews 11:7

Ailon tetok winà iichene pùla tùse ewanawolok yau tùwekkuppù woton pàk tekamapposak yau Noah wechippù imaimu yawàlà. Kanau yamùppù ya molopai imàlà, itùwùk tawon kon tawonnan wepùikattàppù. Ailon tetok tùya winà wolù yawon kon wechi ikasa pùla yenpoikappù ya. Molopai Katù winàpai ikasa we'nàtok tùuyàssen yepoloppù ya.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

Hebrews 13:10

Tùtùsen tùlù yapon yesappe we'nà'nokon man. Tùse mùkyamlo paatele yamùk uya màlà ponùppù yanù yeselùkek pùla iwechi màlà.

Hebrews 9:9

Sàlà nàlà màlà sàlà pe nai'nùk yekamanài. Lepantok tùsak molopai kamo wàsak tùsak Katù yemyak kappon yamùk makuyi ponaloppe uya là Katù yapulànnan yewan koneka wakù pe pen màlà.

Revelation 15:5

Sàlà tùpo epùn pon Katù uya ikupù uya màlà tetok yen patassek yeneppù uya màlà.