Hebrews 7:6 - Patamuna New Testament Revised

⁶ Melchizedek wechippù màlà Levi pa pe pùla, tùse, tewin'ne 10 pa'nan yapai yà'làlà yepoloppù ya màlà Abraham winàpai molopai Abraham pùlemappù ya, mùkkàlà ikupù tùuya teppù Katù uya lùppù yeponài.

Hebrews 7:6 ပူးပေါင်းရင်းမြစ်များ

Yeunossak kon Wotokoyi 3:25

‘Àponalok kon màlà tùmaimu yenpoikannan yai, ikupù uya màlà teppù lùppù Katù uya atamo kon yamùk pàk. Sàlà yamùk màlà àponalok kon nàlà tok munkà pe ewechi kon pàk. Abraham pàk, ‘Apayan yamùk yai tamù'nawolon kon kappon yamùk non pon kon pùlema uya màlà,’ teppù tùuya kasa.

Romans 4:13

Katù uya Abraham molopai ipayan yamùk pàk wolù wechi màlà tok ponaloppe teppù màlà. Sàlà wekkupù màlà, Law yawàlà Abraham wechi pàk pùla, tùse ailon tesak ya pàk, màlà winà Katù uya nen uchi yanùmùppù ikasa tùwessen pe.

Romans 9:4

Katù nanùmùssan kan mùkyamlo tà tùmunkà yamùk pe molopai tapulàtok pùkkù pe tok kupùppù ya tùpokonpe. Ikupù tùuya tetok tùuya kupùppù ya màlà molopai Law, tùlùppù ya tok yemyak. Katù yapulàtok yesak ton mùkyamlo. Ikupù tùuya tetok Katù uya yanùmùppù tok uya màlà.

Galatians 3:16

Katù uya, ‘Ikupù uya,’ tetok tùuya kupùppù màlà Abraham pàk molopai ipa pàk. “Molopai ipayan yamùk pàk” te ya pùn, tùse “Molopai apa pàk” tesak ya, {Gen 12.7; Gen 13.15; Gen 24.7} tewinan neken kappon Christ pàk.

Hebrews 11:13

Ailon tetok tùuya'nokon yau tamù'nawàlà pùsamlo kappon yamùk welikùppù màlà. Tok uya ikupù tùuya teppù Katù uya lùppù yepoloppù pen. Tok uya neken yeneppù meipai molopai tok utauchinpappù kulu ipàk. Tok uya kaklan yamùk pe molopai ipata pùnon pe tùwechi kon non po ittuppù nàlà màlà.

Hebrews 11:17

Ailon tetok winà Abraham uya, Katù uya tùttutok yau tùmu Isaac tùlùppù tùtùsen pe. Mùkkàlà Katù uya itùlù tùuya teppù lùppù yekamappù ipàk lùppù wechippù alikyek pe màlà tewinan neken tùmu tùlù pàk tùtùsen pe.

Hebrews 7:1

Pùsàlà Melchizedek wechippù màlà Salem kinù pe molopai Katù, paateleyi. Abraham wennappo kin yamùk tùkka tùpo yepoloppù ya màlà, màlàyau ipùlemappù ya.

Hebrews 7:7

Ailon kulu màlà, pùlemantok tùnài wechi màlà eke peiwa pùlemantok yeponài yentai.