Hebrews 7:26 - Patamuna New Testament Revised

²⁶ Jesus mùkkàlà eke kulu paatele iche kulu we'nàtok. Wakù, iwalai pen nà pùn, esukenan molopai yamasak mùkkàlà tùmakuyi kenan kon winàpai, molopai yanùnsak lùppù epùn yepoi.

Hebrews 7:26 ပူးပေါင်းရင်းမြစ်များ

Matthew 27:18

Ittuppù ya kan màlà tà tok uya Jesus tùsak temyak masapùla tùtalumayi kon pe ikupù tùuya'nokon pàk.

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

Luke 1:35

Inchelù uya yeikuppù, “Wakù Akkwalù, molopai Katù yapàikketù, uyàpù màlà àpona. Màlà pàk, pùsàlà wakù mule, yesatù màlà Katù Mumu, tukaik” teppù ya.

Luke 23:22

Pilate uya tu'ma icholùwano itekkwa pe tok pàk, “Yà'là ken uchi àli kussak ya nai? Yà'làlà àli inkupùppù iwelittok ipàkànsau woton yepolo uya pùla man! Ipoppàtoppe neken nà ikupù uya màlà molopai tàwà inonka uya,” teppù.

Luke 23:41

Kùtalumattà nen sàlà ikasa, kùnkupùppù yepeppù yepolo nen sàlà nai'nùk. Tùse mùkkàlà uya yà'làlà iwalai pen nà kussak pùla man,” tukaik.

Luke 23:47

Soicha yamùk yepulu uya tùwekkussan yeneppù màlà, molopai Katù yapulàppù ya, “Ewaik, wakù pe pùsàlà kàyik wechippù pe man!” tukaik.

Luke 24:26

Yà'là woton pe pùla ken na' uchi màlà, mùkkàlà Christ wettalumattàtok wechippù, molopai nàlà iitàtok tapulàtok yak?” teppù.

Luke 24:46

Molopai tok pàk, “Sàlàichi màlà imenukasak lùppù mùkkàlà Christ wettalumattà màlà molopai iwe'wuluuka tùwelikù tùpo icholùwano wei yattai, tawon.

John 14:30

Màlà yentak lùiwa àpokonpe' nokon uselupa pen sàlà, masapùla sàlà wolù yepulu nùyàssan. Tùse uyentaino pen imeluntàlù mùkkàlà.

John 8:29

Uyeununo'nàippù mùkkàlà upyauwon, tewincha unànnài pen mùkkàlà. Masapùla tàwàlàlà yauchinpanài ku'nài Iulà,” teppù.

Yeunossak kon Wotokoyi 3:14

Esuken iwechippù àli là kuttok pùla, tùse inulunpappù auya'nokon, molopai kappon wànàippù yennappù auya'nokon inonka toppe.

Yeunossak kon Wotokoyi 4:27

Ailon pe iwechippù Herod molopai Pontius Pilate tawonnan wessepoloppù sàlà pata yau, Jew yamùk pen molopai Israel yamùk pokonpe Jesus talumattàik, wakù kulu ayapyoto Christ ananùmùppù lùppù.

2 Corinthians 5:21

Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 2:10

Katù uya màlà tamù'nawolon konekappù molopai tamù'nawolon màlà iponalok, màlàpàk ikasa iwechippù màlà Katù uya Jesus kupù ikasa iwettalumattàtok winà. Sàlà kupùppù ya màlà tukkan kon Katù munkà yamùk yatoppe molopai tok pùikattà toppe Jesus uya tùwettalumattàtok winà.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 7:11

Masapùla Levi yamùk yo'no Law yanùmùppù màlà Israel pon kon uya. Molopai ikasa kulu Levi wettok paatele pe wotokoyi wessak yau, tùpatalon paatele usenpoika iche we'nàppà pen sàlà eppaino. Pùsàlà mùkkàlà Melchizedek wettok walai paatele Aaron payan yai pùla.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

1 Peter 1:19

àpùikattàppù kon kulu màlà Christ uya epekkek tùmùnù ikkwansak àponalok kon pe yau, imattakù pùn kalinilu mule wechippù kasa.

1 Peter 2:22

“ Àli kussak ya pùla iwechi màlà, ànù'là uya kasei wepakka intapai yetappù pen.” {Isa 53.9}

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.

1 John 2:2

Masapùla Christ wettùlùppù tùwelittok yak pàkànsau nen nai'nùk kùmakuyi kon pàk usentuppansak. Molopai kùmakuyi kon neken nà pàk pùla, tùse tamù'nawolon kon kappon yamùk makuyi pàk nàlà.

1 John 3:5

Mùttuyatàik Christ uyàpùppù kappon yamùk makuyi mokkatoppe tùuya, molopai makui pùla iwechi màlà yau.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.