Hebrews 7:25 - Patamuna New Testament Revised

²⁵ Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Hebrews 7:25 ပူးပေါင်းရင်းမြစ်များ

John 14:13

Molopai yà'làlà yekamappo auya'nokon uyesek yai yau, ikupù uya màlà. Ukàipùnù yapulà toppe Imu winà.

John 14:16

Ukàipùnù yekamappo uya màlà tùulon àpùikattà kon woton yeunottoppe ya, apyau'nokon tùwechi woton tàwàlàlà.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Ephesians 3:20

Katù yapulàpai'nokon uchi, eke pe kulu yennatok kùuya'nokon yentai yà'làlà ke lepanài, wapùla usenumenkatok kon yentai iku'nài tùmeluntàlù ne'wotokomayai'nùk kùyau winà.

Philippians 3:21

Attu'mùnon sa'ne kùyesak kon mùyakanma ya màlà. Molopai kùkoneka kon ya wakù pe tesak kasa, meluntà yapulà pe tamù'nawolon nettok tùuya iwinà pe nai'nùk itepulu pe tùwettok yo'nokoik

1 Timothy 2:5

Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 13:15

Jesus yai uchi Katù piyak apulàntok tùpai'nokon man, kùmaimu kon ke tenki tetok tùpai tàwàlàlà itesek pàk.

Hebrews 2:18

Masapùla tùmàlà nàlà wettalumattàsak Makui uya tùttutok yau pàk, tùttutok kon ya yau nàlà tùwessan pùikattànài pe iwechi màlà.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

Hebrews 7:16

Mùkkàlà yanùmùppù pen màlà Law yawàlà itamo pàkànsau. Tùse paatele pe iwenappù màlà ànù'là nùmattanùppù pen làkku wema'nàtok meluntàlù yai.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.

Hebrews 7:24

Tùse Jesus mùkkàlà tùwemassen tàwàlàlà, molopai iwotokoyi paatele pe iwettok màlà tùulon yemyak tùtùsen pen.

Hebrews 7:8

paatele yamùk mùkyamlo tewin'ne 10 pa'nan yapai yà'làlà yeponnan tùse tùwelichan, tùse Melchizedek uya màlà yepoloppù molopai Katù Maimu uya màlà pàli'yau iwechi yekamasak.

Hebrews 9:24

Masapùla Christ utàppù màlà Katù yùwùk kappon yamùk nùkonekappù pen yak molopai epùn pon kasa neken nà nai'nùk pen. Iitàppù màlà epùn pona molopai sàlà pe nen uchi Katù piyau iwechi màlà kùpùikattàtok kon pe tùuya.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.