Hebrews 7:22 - Patamuna New Testament Revised

²² Wa iwechi pàk Jesus kussak màlà wakù peiwa, “Ikupù tùuya tetok Katù uya,” yentok ipàkàlà pe, wapiyalok lùppù kasa pùla.

Hebrews 7:22 ပူးပေါင်းရင်းမြစ်များ

Matthew 26:28

Masapùla sàlà màlà umùnù Katù uya ikupù tùuya tetok. Umùnù sàlà ikkwansak tukkan kon ponaloppe, àli kuttok pàk usentuppantoppe.

Mark 14:24

Jesus uya tok pàk, “Sàlà màlà umùnù iwekkwansak tukkan kon ponaloppe. Umùnù, Katù uya ikupù tùuya tetok wemyakanma pùla iwechi yekamanài,” teppù.

Luke 22:20

Màlà kasa làma pùsau tùlùppù ya uta'lettàka'nàppà ye'mappùtak, “Sàlà màlà emennak pe Katù nùkuppù, ikopposak umùnù ke, ikwansak lùppù àponalok kon pe,” tei'ma.

1 Corinthians 11:25

Màlà kasa làma kok yanùmùppù ya màlà uta'lettàn tùpo. “Sàlà kok màlà emennak ikupù tùuya tetok Katù uya umùnù yau, sàlàichi mùkuttàik, inchi auya'nokon kaichalà uyittutok auya'nokon ipàkàlà pe,” teppù ya.

Hebrews 12:24

Jesus piyak àuyàssak kon man, emennak ikupù pàk tùwekkuttok ku'nài piyak. Molopai mùn yappasa'masak, wakù peiwa nùselupayai'nùk Abel mùnù yentai piyak.

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

Hebrews 7:23

Màlà neken pen, tùse, pena paatele yamùk wechippù màlà tukke, masapùla tok welippàtùppù tàwàlàlà tùwotokoyi kon kupù tok uya pùla.

Hebrews 8:13

Emennak pe ikupù pàk tùwekkuttok pàk tùuselupa winà, Katù uya wapiyalok kussak penalok pe màlà. Molopai yà'làlà nùpoippàtayai'nùk wapùla tapulàsen pe pùla nai'nùk waliwomù màlà.