Hebrews 7:19 - Patamuna New Testament Revised

¹⁹ Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.

Hebrews 7:19 ပူးပေါင်းရင်းမြစ်များ

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Romans 7:7

Yà'là te'nokon ken uchi? Law wechi màlà àli pe te'nokon ka'lù? Kanekku! Tùse law màlà àli ittutoppe uya uku'nàippù. Masapùla tùulon yemamin iche we'nàtok wechi ikasa pùla ituppù uya pen sàlà eppaino, law uya, “Tùulon yemamin iche kechii!” tesak pùla iwechi yau. {Ex 20.17 Deu 5.21}

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Galatians 2:16

Ina nùttuyan kappon yanùnsak ikasa Katù pokonpe ailon tetok ya Jesus Christ pàk yai neken, Law yawà we'nà winà pùla. Kùmyamlo uya nàlà ailon tesak man Christ Jesus pàk Katù pokonpe ikasa anùnnàtoppe Christ yai, Law yawàlà we'nà winà pùla. Masapùla ànù'là yanùntok ikasa Katù pokonpe Law yawàlà iwechi winà pùla iwechi màlà.

Galatians 3:21

Sàlà ken na' law wechi màlà Katù uya ikupù uya màlà teppù lùssan wakkà'nài pe? Kane ku! Masapùla law tùsak wema'nàtok tùnài pe yau, ikasa we'nàtok uyàpùppù kulu sàlà eppaino law winà.

Galatians 3:24

Màlàpàk Law wechippù màlà kùyesak kon pe, kùyenupanài'nokon pe Christ uyàpù ponalà, ikasa anùnnàtoppe Katù pokonpe ailon tetok yai.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

1 Timothy 1:1

Sàlà màlà kaleta Paul winàpaino. Katù Kùpùikattànài molopai Christ Jesus napyontàppù Iulà, Christ Jesus enpen we'nàtok ke lepanài neunoko pe.

Hebrews 10:1

Law màlà wakù ton nùyàssai'nannùk yakkwalùppù neken, tùse ikasa kulu pùla iwechi. Masapùla ikasa kulu ànù'là Katù yapulàse tùuyàssan konekanài pen màlà. Màlà yamùk iwàsak kon molopai ipottàsak kon kamo yamùk wechippù màlà, màlà lùppù pe tàwàlàlà kilichimochi kaichalà.

Hebrews 11:40

Katù uya wakùiwa epeppù kussak man kùponalok kon pe. Tamùkke nen uchi tok pokonpe ikasa kulu kùmatok kon pe.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 4:16

Màlàpàk tùwe'namaik pùla uyà'nàpai'nokon Katù yapon yemloto pona, wakù kuttok ya kùponaloppe patassek yak. Molo usentupantok yanùmù màlà molopai wakù yepolo, kùpùikattànài iche we'nàtok yattai.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

Hebrews 7:11

Masapùla Levi yamùk yo'no Law yanùmùppù màlà Israel pon kon uya. Molopai ikasa kulu Levi wettok paatele pe wotokoyi wessak yau, tùpatalon paatele usenpoika iche we'nàppà pen sàlà eppaino. Pùsàlà mùkkàlà Melchizedek wettok walai paatele Aaron payan yai pùla.

Hebrews 7:20

Katù uya tùmàlà pe, ikupù uya tetok tùuya kupùppù màlà pùsàlà yanùmù patele yamùk pe yau. Tùse màlà kasa pùla tùulon kon masak màlà paatele pe. Tùse Jesus wenappù paatele pe, Katù uya ipàk, “Itepulu uya, suwa ikupù uya màlà tesak man molopai tùusenumenkatok mùyakanma ya pen màlà, ‘Paatele pe ewechi màlà tàwàlàlà,’ ” teppù.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Hebrews 8:6

Tùse Jesus wotokoyi wechi màlà non pon kon Eke paatele yamùk wotokoyi yentai. Màlà kasa emennak wakù ikupù tùuya teppù Katù uya yenpoikanài pe iwechi màlà ipoippà yentai. Katù molopai kappon yamùk yakkletau Jesus wechi màlà.

Hebrews 9:9

Sàlà nàlà màlà sàlà pe nai'nùk yekamanài. Lepantok tùsak molopai kamo wàsak tùsak Katù yemyak kappon yamùk makuyi ponaloppe uya là Katù yapulànnan yewan koneka wakù pe pen màlà.

James 4:8

Àitàk kon Katù piyak mei pùla molopai iyàpù màlà mei pùla apyakù'nokon. Wakù pe eyemyatà kon ikuttàk kon, asa'lon ichenumenkatok kon kappon yamùk! Eyewan kon ikukatàk kon tùusennakasan!