Hebrews 6:5 - Patamuna New Testament Revised

⁵ Katù Maimu wechi wakù pe ittu tùpo molopai nùyàssai'nùk wema'nàtok meluntàlù nàlà ittu tùpo.

Hebrews 6:5 ပူးပေါင်းရင်းမြစ်များ

Matthew 12:32

Ànù'là Kàyik Mumu winàkàik tùuselupasen pàk usentuppan màlà. Tùse ànù'là Wakù Akkwalù winàkàik tùuselupasen pàk usentuppan pen màlà, sàlà pe wapùla tàwàlà là,” teppù Jesus uya.

Mark 6:20

Herod uya John namappù masapùla wakù pe, molopai ikasa iwechi pàk. Tùse yachichak ya neken nen wechippù màlà. John uselupa enetapai iweppàtùppù taimelunpa ya lànen ittu tùuya tùse, ichelupa yetappù ya tùwakùli pe.

Luke 8:13

Tùpànsen iwepukasak lùppù tàk pon non pona uya yekama nai'nùk, mùkyamlo itekale yetan nan molopai yanùnnài nan tùutauchinpaik tùse ikala pùla tùwessan. Ailon tawonnan tachin pe pùla, molopai tùwelattàsan ailon winàpai ittuntok uyàssak yau.

Ephesians 6:17

Molopai wepùikattàntok yanùntàk kon appai kon wapu pe, molopai Katù Maimu akasupalayi kon pe Wakù Akkwalù uya elepatok kon.

Hebrews 11:3

Ittu'nokon man ailon tetok winà tamù'nawolon wekonekappù Katù Maimu winà, molopai nùsenyai'nùk konekappù tùusensen pen yapai.

Hebrews 2:5

Inchelù yamùk kupù ya pùn, tùuyàpù woton wolù yepulu pe tok wettoppe, ipàk uselupan nokon nai'nùk.

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.

1 Peter 1:25

tùse Katù Maimu tùwemassen tàwàlàlà,” tesak kasa. {sa 40.6-8} Molopai sàlàichi màlà mayin àpàkù'nokon yekamasak lùppù.

1 Peter 2:3

“Itepulu Katù wettok wakù pe ittusak auya'nokon pàk,”

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.