Hebrews 6:2 - Patamuna New Testament Revised

² Molopai enupantok usenpataukantok pàk wapùla mùyak nonkatok kappon pona wapùla iwelichak we'wuluukatok, molopai Katù uya àli ton talumattàtok tàwàlàlà pàk neken pùla.

Hebrews 6:2 ပူးပေါင်းရင်းမြစ်များ

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Matthew 3:14

Tùse John wechippù Jesus uya tùusenumenkatok mùyakanmatoppe ikupùiche. “Usenpatauka làkku nen eppaino ewinà, tùse àuyàssak man upyak!” teppù ya.

Mark 16:16

“Ànù'là ailon tukaik ichenpataukasak kon wepùikattà màlà. Tùse ànù'là ailon tawon pen wechi màlà àli pe tùwettok pàkànsau tùwettalumattà pàk.

Mark 7:4

Wapùla yà'làlà kùyali chilanmatok yau ye'masak kùyali na'nài nan pe pùla tok wechippù màlà. Wapiya tùkukase pùla. Tukkan tùwemattok kon yawàlà yawà tok wechippù, pùsau, àinà, tuna yen molopai tùwe'nùmù kon yapon kukatok yawàlà.

Mark 7:8

“Katù uya enupantok nonka auya'nokon mailà molopai, kappon yamùk uya neken nen uchi eyenupatok kon kupù auya'nokon,” tukaik.

Luke 11:38

Pharisee usenumenkasak wechippù màlà, Jesus uya temyatù kolùka pùla iwechi yensak tùuya yau.

Luke 12:50

Usenpataukantok molo man unanùmù, molopai utaimelunpayaik ipàk iwenukapù ponalà.

Luke 14:14

Molopai àpùlema kon màlà, masapùla tok uya eye'ma yentai iwechi màlà. Eye'ma nen uchi màlà Katù uya, wakù ton kappon yamùk welichak kon wuluukasak yau,” teppù Jesus uya.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

John 1:33

Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 5:29

Molopai tok we'wuluuka màlà uluwaik yapai, mùkyamlo wakù ku'nàinan nùssan we'wuluuka màlà wema'nàtok yak. Molopai mùkyamlo àli ku'nàinan nùssan we'wuluuka màlà wettalumattàntok yak,” teppù Jesus uya.

Yeunossak kon Wotokoyi 10:47

“Pùsamlo kappon yamùk uya Wakù Akkwalù yanùnsak man, yanùmù nettai nùk kasa làma. Ànù'là uya ken na' tok yeleutanàppù tok usenpataukatok tuna ke winàpai?” tukaik.

Yeunossak kon Wotokoyi 13:3

Tùuta'lettàik pùla tùwàpùlema kon tùpo, tok uya temyatù kon nonkappù Barnabas molopai Saul tawonnan pona molopai tok yeunokoppù tok uya.

Yeunossak kon Wotokoyi 16:15

Mùkkàlà molopai itùwùk tawon kon usenpataukappù. Màlà tùpo ina kà'mappù ya tùwùk tak: “Àittàk kon talà esse uyùwùk tau, ailon tawon pe wechi ittusak auya'nokon yau,” tukaik. Ina yeka'nonkappù ya molopai ina utàppù.

Yeunossak kon Wotokoyi 16:33

Màlà yewalupàyi tau patikichi yesak uya tok yalàppù molopai tok yattàpàssak tok ippoppàtù yau kukappù ya. Màlà yattai là mùkkàlà, molopai tamù'nawàlà itonpa yamùk usenpataukappù.

Yeunossak kon Wotokoyi 17:18

Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 2:41

Tukkan kon uya ailon teppù Peter uya itekale yekama pàk. Molopai tok usenpataukappù, 3,000 yailà'ne kappon yamùk uya ailon tawonnan tonpattàppù, màlà wei yattai.

Yeunossak kon Wotokoyi 23:6

Tukkan kon kappon yamùk wechi Sadducee pe molopai Pharisee pe ittusak tùuya yau, Jew yamùk Yepulu yamùk yelupappù Paul uya tùwentaimeik. “Utonpa yamùk, Pharisee Iulà, Pharisee yamùk mule. Talà wechi sàlà uyittu toppe masapùla iwelichak lùppù we'wuluukatok pàk enpen wechi pàk!” teppù ya.

Yeunossak kon Wotokoyi 24:15

Enpen we'nàtok Katù pàk yesappe wessaik, pùsamlo wettok enpen walai làma tamù'nawàlà kappon yamùk asakklàma wakù molopai àli we'wuluuka weli'nàtok yapai pàk.

Yeunossak kon Wotokoyi 24:21

Tùse tewin neken, wateppù uya Jew yamùk Yepulu ton yemloto po echii'ma: ‘Sà kasa messaik mùkapàssatàik sàlà pe ailon tawon pe wechi pàk iwelichak we'wuluuka weli'nàtok yapai pàk!’ ” teppù uya.

Yeunossak kon Wotokoyi 24:25

Tùse Paul wechi tùuselupa pàk lùppù ikasa we'nàtok pàk, iwalàwannà esak pe, molopai Katù piyak wepili'nàtok ittuntoppe ya pàk tùse, Felix usenalipappù màlà. Màlàyau, “Itàkàichi àkà'ma tu'ma uya màlà, àkà'matok uya yattai yeposak uya yau,” teppù.

Yeunossak kon Wotokoyi 26:8

Yà'là peichi iwechi pàk ailon te auya'nokon yentai iwechi màlà Katù uya iwelichak wuluuka weli'nàtok yapai pàk?”

Yeunossak kon Wotokoyi 4:2

Tok we'naikasak wechippù, masapùla tok uya kappon yamùk yenupa pàk, molopai Jesus yau iwelichak lùppù we'wuluukatok yekama tok uya pàk.

Yeunossak kon Wotokoyi 6:6

Pùsamlo salattàppù tok uya yeunossak kon yemloto pona. Tok wàpùlemappù molopai temyatà kon tùlùppù tok uya tok pona.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

1 Corinthians 10:2

Tamù'nawàlà tok usenpataukappù màlà katuppluk yau molopai palau kau Moses ya'lon kon pe.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

Philippians 3:21

Attu'mùnon sa'ne kùyesak kon mùyakanma ya màlà. Molopai kùkoneka kon ya wakù pe tesak kasa, meluntà yapulà pe tamù'nawolon nettok tùuya iwinà pe nai'nùk itepulu pe tùwettok yo'nokoik

Colossians 2:12

Masapùla eusenpatauka kon yau, àwu'nattàppù kon màlà Christ pokonpe. Molopai usenpataukantok yau àwuluukappù kon nàlà màlà Christ pokonpe ailon tetok auya'nokon yai Katù yapàikketù yau. Iwuluukanàippù weli'nàtok yapai wema'nàtok yak yapàikettù yau.

2 Timothy 2:18

Tok utassak man ailon winàpai. Iwelichak kon we'wuluukakapùppù nen màlà pena nùkayan tok, molopai ailon tetok tùulon kon uya mattanùssan tok.

Hebrews 11:35

Nossan yamùk uya tùtonpa kon yamùk iwelichak kon nùssan wuluukatu'masak yepoloppù màlà. Tùulon kon welikuppù màlà àsà pe talumattàntok yo'no. Talumattàntok yapai mokkantok nulunpappù tok uya, wakùiwa wewuluukantok yepotoppe tùuya'nokon.

Hebrews 9:10

Sàlà yamùk màlà tùkussan kùyali molopai tinchisen ke molopai tùpatalo'nan wekolùkantok ke. Kappon yamùk uya sàlà wema'nàtok yawà kupùppù màlà, emennak molopai wakù kulu ke imyakanma weyu uyapù ponalà.

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.