Hebrews 6:12 - Patamuna New Testament Revised

¹² Emya'nek pe ewena kon iche pùla ina man, tùse mùkyamlo ailon tawonnan molopai pàlikannan, Katù uya ikupù tùuya teppù lùppù yeponnan kasa làkku mettàik.

Hebrews 6:12 ပူးပေါင်းရင်းမြစ်များ

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

1 John 2:25

Molopai sàlàichi màlà Christ uya itùlù tùuya kùpyakù'nokon teppù lùppù, tàwàlàlà wema'nàtok.

Romans 12:11

E'wotokomatàk kon sa'man pe molopai emya'neppe kettàu. Itepulu Jesus ponaloppe e'wotokomatàk kon tùuweleutaik pùla tamù'nawàlà eyewan kon ke.

Hebrews 5:11

Màlà yentak palà ina nekama molo man àpàkù'nokon, sàlà pàk. Tùse sa'man pe ina uya yekama àpàkù'nokon wechi màlà, masapùla tànànpàk ittutok auya'nokon yau ewenasak kon pàk.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

James 1:3

masapùla mùttuyatàik ailon tetok auya'nokon uya màlà yekkwa ton ittuntok yawà àutà yau, ipàlikatok imeluntàlù pe we'nàtok wech itepeppù pe.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Romans 4:12

Yattàsak kon kàipùnù nàlà mùkkàlà, yattàsak kon neken nà pen, tùse kùkàipùnù kon Abraham uya ailon tetok tattà wapiya yeselu yawàlà tùwemassan kàipùnù.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.

Hebrews 11:33

Ailon tetok yai tok uya eke ton pata yamùk panta'mappù molopai yentaikappù tok uya. Ikasa nai'nùk kupùppù tok uya molopai ikupù tùuya teppù Katù uya yepoloppù tok uya. Palauya yamùk mùta yamùk yakkoloppù tok uya.

Hebrews 6:15

Abraham wechippù màlà imàmuku pàk tùsetakkaik pùla, màlàpàk ikupù tùuya tetok Katù uya yepoloppù ya.

2 Thessalonians 1:4

Màlà kasaichi iwechipàk ayapulà kon pe ina tùuselupasan àpàkù'nokon Katù sochiyi yamùk tau, ailon tetok auya'nokon yau tamù'nawolon nà ewettalumattàtok kon yau molopai màlà yamùk yawà mùtàyatài'nùk pàlika pàk ewechi kon pàk.

Luke 8:15

Tùpànsen iwepukasak lùppù wakù non yak màlà uya yekama nai'nùk, mùkyamlo itekale yetan nan, iku'nài nan wakù pe, yawolon kon nà tewan kon yau, ailon pe tùwessan tùwepeta kon ponalà,” teppù Jesus uya.

Matthew 22:32

‘Abraham Katùyi Iulà, Isaac Katùyi, molopai Jacob Katùyi,’ tawon. Nulànan kon Katùyi mùkkàlà, iwelichak kon Katùyi pen,” teppù Jesus uya.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

Luke 16:22

“Italumayippù kàyik welikùppù màlà molopai inchelù yamùk uya yalàppù Abraham piyak, uta'lettàntok Epùn pon yak. Mamin yesak welikùppù nàlà màlà molopai iwu'nattàppù.

Matthew 25:26

‘Àli àmàlà molopai emya'nek apyoto! Ittunài àmàlà, unpàmàppù pen pilipù uya, molopai kùyali pilipù uya unpàmàppù pen yapai, ewaik na'?