Hebrews 6:1 - Patamuna New Testament Revised

¹ Wapiyalok kon enupantok Christ pàk nànpai'nokon man, molopai usemokkantok yak utànpai'nokon. Uselupan pàk lùppù we'nàpai pùla'nokon man, àli kùyeselu weli'nàtok ne'nài winàpài welattàntok molopai ailon tetok Katù pàk, pàk neken pùla.

Hebrews 6:1 ပူးပေါင်းရင်းမြစ်များ

Matthew 21:29

‘Utà pen sàlà,’ tukaik yeikuppù ya, tùse màlà tùpo tùusenumenkatok mùyakanmappù ya molopai iitàppù umà yak.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Matthew 3:2

“Amakuyi kon winàpai elattàtàk kon masapùla itepulu pe we'nàtok epùn po mei pùla man!” tukaik.

Matthew 4:17

Màlà motapai Jesus wepyattàppù itekale yekama pàk, “Amakuyi kon winàpai elattàtàk kon, itepulu pe we'nàtok epùn po mei pùla man!” tukaik. {ISA 9.1,2}

Matthew 5:48

Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

Matthew 7:25

Konok utappù pùlù pe, tuna u'mappù, molopai assetun utasse'nùmùppù meluntà pe tapùi pona. Tùse iwekkawai'mappù pen màlà, masapùla tàk po yamùsak pàk.

Mark 1:1

Sàlà màlà Wakù Itekale Jesus Christ yekale. Jesus mùkkàlà Katù Mumu.

Mark 6:12

Tok utàppù Wakù Itekale yekamaik tùmakuyi kon winàpai kappon yamùk welatà toppe.

Luke 6:48

Tapùi yamùnàippù kasa iwechi màlà i'nak yakanàippù molopai yapon tùnàippù tàk pona. Tuna'ma uyàpùppù molopai tapùi wànàppù ya tùse ilaikappù ya pen, masapùla wakù pe kulu yamùsak pàk.

John 12:44

Jesus wentaimeppù eke pe, “Ànù'là ailon nùkayai'nùk upàk uya, ailon te upàk neken nà pen màlà, tùse mùkkàlà nàlà uyeuno'nàippù pàk.

John 14:1

Jesus uya, “Kesewankono'matàu molopai kataimelunpatàu. Ailon katàk kon Katù pàk, molopai ailon katàk kon nàlà upàk,” teppù.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Yeunossak kon Wotokoyi 26:20

Wapiya Damascus po molopai Jerusalem po molopai nen uchi tamù'nawàlà pata Judea yau molopai Jew yamùk pen kùlottau, Wakù Itekale yekamappù uya tok welattà toppe Katù winàkàik tùmakuyi kon winàpai, molopai yà'làlà tùwemyakanmasak kon yekamanài kuttoppe tok uya.

Yeunossak kon Wotokoyi 3:19

Elattàtàk kon uchi àli kuttok auya'nokon winàpai, elattàtàk kon Katù winàkàik màlàyau amakuyi kon kolùka ya màlà,

1 Corinthians 13:10

Ikasa tùwessen wechi molo yau ipùkkùlùppù pe nai'nùk pùla iwena màlà.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

2 Corinthians 7:10

Usewankono'mantok Katù winàpaino màlà wemyakanmatok ne'nài wepùikattàntok yak. Molopai àli pe là usenumenkantok ne'nài wemyakanmansak pàk pen. Tùse wolù yawon usewankono'mantok màlà weli'nàtok ne'nài.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Ephesians 2:5

Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 3:14

Molopai tamù'nawolon sàlà yamùk yentaino ke itonpattàtàk uchi'nùnmantok ke tamù'nawolon ku'nài tamùkke tewin.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 Timothy 6:19

Sàlà kasa tok uya màlà temamin kon pilipù ewanawolok woton yapon pe molopai nen uchi tok uya wema'nàtok yepolo màlà ailon kulu wema'nàtok.

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 12:13

Itàtàk kon tossalon asanta tawà, molopai mùkyamlo sesen pan kon wena tu'ma toppe meluntà pe molopai tok uchipittà toppe.

Hebrews 7:11

Masapùla Levi yamùk yo'no Law yanùmùppù màlà Israel pon kon uya. Molopai ikasa kulu Levi wettok paatele pe wotokoyi wessak yau, tùpatalon paatele usenpoika iche we'nàppà pen sàlà eppaino. Pùsàlà mùkkàlà Melchizedek wettok walai paatele Aaron payan yai pùla.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

James 1:4

Tamù'nawolon tùpàlikaik ettàk, meluntà pe ewena kon pa, appù pe, ikasa tamù'nawàlà.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.