Hebrews 5:9 - Patamuna New Testament Revised

⁹ Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

Hebrews 5:9 ပူးပေါင်းရင်းမြစ်များ

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Luke 13:32

Jesus uya tok yeikuppù. “Itàkàichi mùkkàlà maikan pàk, ‘Àli akkwalù yamùk yenpakka uya sàlà, molopai kappon yamùk ipittà uya sàlà, sàlà pe. Ewanawà molopai icholùwano wei yattai uwotokoyi yenuka'nùppù uya màlà nùkapàssan katantàk,’ teppù ya.

John 19:30

Malalà yonpa tùpo Jesus uya, “Eichilà nenukappàssan,” teppù. Molopai tùppai peimappù ya molopai iwelikùppù.

Yeunossak kon Wotokoyi 3:15

Màlàyau nen uchi wema'nàtok yesak wànàppù auya'nokon. Tùse Katù uya iwuluukappù weli'nàtok yapai molopai ina uya yeneppù molopai ina nekamayan.

Yeunossak kon Wotokoyi 4:12

Wepùikattàntok wessepolo màlà mùkkàlà neken winà. Masapùla ànù'là yesek pùla iwechi màlà sàlà non po Katù nùtùlùppù kappon yamùk piyak wepùikattàntok iwinà pe,” tukaik.

Yeunossak kon Wotokoyi 5:32

Ina mùkyamlo sàlà yamùk yekaman nan molopai nàlà Wakù Akkwalù, mùkkàlà Katù nùtùlùppù tùmaimu yawolon kon nà yemyak,” tukaik.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 10:16

Tùse tamù'nawolon kon uya Wakù Itekale yanùnsak pùla iwechi màlà. Isaiah uya suwa teppù, “Uyepulu Katù, ànùk uya ken ailon tesak nai ina yekale pàk?” {Isa 53.1}

Romans 15:18

Màlàpàk yà'là yekkwa là pàk uselupaiche wechi pen sàlà. Màlà neken Christ nùkupùppù uyai pàk uselupa, Jew yamùk pen nepù uya Katù Maimu yawàlà tok wettoppe pàk, uselupappù lùpù pàkàlà molopai unkupùppù winà.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

2 Timothy 2:10

sàlà wenai tamù'nawolon pàlika uya sàlà, Katù nanùmùssan kappon yamùk pàkànsau, tok uya nàlà wepùikattàntok Christ Jesus yau yepo toppe, tamùkke apulàntok tàwàlàlà pokonpe.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Hebrews 11:40

Katù uya wakùiwa epeppù kussak man kùponalok kon pe. Tamùkke nen uchi tok pokonpe ikasa kulu kùmatok kon pe.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 2:10

Katù uya màlà tamù'nawolon konekappù molopai tamù'nawolon màlà iponalok, màlàpàk ikasa iwechippù màlà Katù uya Jesus kupù ikasa iwettalumattàtok winà. Sàlà kupùppù ya màlà tukkan kon Katù munkà yamùk yatoppe molopai tok pùikattà toppe Jesus uya tùwettalumattàtok winà.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 9:12

Itak iwewomùppù màlà tùmùnù winà. Kaapala mùnù molopai paka mule mùnù winà pùla. Tùse iwewomùppù màlà Wakù Kulu Patassek yak tewin itekkwa neken tamù'nawolon kon ponaloppe, tùmàlà pe là tàwàlàlà wepùikattàntok yepoloppù ya màlà kùponalok kon pe.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Jude 1:21

molopai Katù yau tùutauchinpaik ettàk kon, Kùyepulu Jesus Christ uya tùusentuppatok winà elepa kon tàwàlà wema'nàtok ke màmukui'ma.