Hebrews 5:7 - Patamuna New Testament Revised

⁷ Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

Hebrews 5:7 ပူးပေါင်းရင်းမြစ်များ

Matthew 27:46

Wei wetteilettàsak yau Jesus wentaimeppù eke pe, Eloi, Eloi, lama sabachthani? “Ukatùyi, Ukatùyi, yà'là peichi iwechi pàk unonkasak auya sàlà?” te ya.

Matthew 27:50

Jesus wentaimeppù tu'ma màlà eke pe molopai iwelikùppù.

Mark 15:34

Wei wetteilettà pe Jesus wentaimeppù eke pe, “ Eloi, Eloi, lama sabachthani? “Ukàippùnù, Ukàippùnù, yà'là pe iwechi pàk unonkasak auya màlà?” te ya pe iwechi.

Mark 15:37

Màlàyau iwentaimeppù eke pe tu'ma, molopai iwelikùppù.

Luke 23:46

Jesus wentaimeppù eke pe, “Ukàippùnù, eyemyak uyakkwalù nonka uya sàlà,” tukaik. Wate tùpo iwelikùppù.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 11:35

Jesus kalawùppù.

John 11:42

“Tùttutai tàwàlàlà umaimu yetanài àmàlà, tùse wa te uya sàlà pùsamo upyau satippe nai'nannùk uya ailon te toppe uyeunossak auya pàk,” teppù Jesus uya.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

Hebrews 10:5

Màlàpàk, sàlà non pona tùuyàpù yau Christ uya Katù pàk, “Kamo yamùk tùwàse molopai tùpottàik eyemyak itùtok iche pùla messaik, tùse uyesak konekasak auya nai'nùk uponaloppe.

Hebrews 11:7

Ailon tetok winà iichene pùla tùse ewanawolok yau tùwekkuppù woton pàk tekamapposak yau Noah wechippù imaimu yawàlà. Kanau yamùppù ya molopai imàlà, itùwùk tawon kon tawonnan wepùikattàppù. Ailon tetok tùya winà wolù yawon kon wechi ikasa pùla yenpoikappù ya. Molopai Katù winàpai ikasa we'nàtok tùuyàssen yepoloppù ya.

Hebrews 12:28

Màlàpàk uchi tenki tepai'nokon Katù pàk, masapùla tùutattù'masen pen Katù wettok itepulu pe yepolo'nokon pàk. Màlà yai Katù yapulàpai'nokon man iche iwettok yawàlà, namantok pokonpe molopai usenalipantok pokonpe.

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

1 John 4:3

Tùse ànù'là sàlà nulunpanài molopai Jesus wenappù kappon pe pàk ailon tawon pen wechi Akkwalù Katù winàpaino yesappe pen màlà. Sàlà akkwalù wechi màlà mùkkàlà Christ yeyaton winàpaino pe; yetasak auya'nokon man màlà uyàpù, molopai sàlà pe talà man sàlà wolù yau.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.