Hebrews 5:1 - Patamuna New Testament Revised

¹ Eke kulu paatele mùkkàlà yanùnsak kappon yamùk kùlottapai iwe'wotokomatoppe kappon yamùk ponaloppe Katù pokonpe. Lepantok tùnai pe molopai kamo wànài pe, tùtùsen pe kappon yamùk makuyi ponaloppe.

Hebrews 5:1 ပူးပေါင်းရင်းမြစ်များ

Romans 15:17

Màlàpàk uchi Christ Jesus yau utauchinpa kulu sàlà, Katù wotokoyi yau we'wotokoma pàk.

1 Corinthians 15:3

Unanùmùppù tùlùppù uya apyakù'nokon, sàlà eke pe kulu nai'nùk. Christ welikùppù màlà àli pe we'nàtok yepeppe, Katù Maimu yau iwe'menukasak kasa.

Hebrews 10:11

Paatele yamùk mùkyamlo satippe tùwessan màlà lùppù tùwotokoyi kon kupù pàk wei kaichalà, tùwàsan molopai tùpotàsan tùlù pàk tukke itekkwa. Tùse makui mokkaya pen.

Hebrews 10:12

Tùse pùsàlà, Christ, uya tewin itekkwa neken tùwenukassen pen tùtùsen tùlùpù màlà makui winàpai pùikattànài pe. Màlàyau iweleutappù Katù laitanù yak.

Hebrews 11:4

Ailon tetok winà màlà Abel uya tùtùsen tùlùppù Katù yemyak wakù peiwa Cain nùtùlù yentai. Katù yauchinpappù ya màlà molopai intùlù lepantok ya ike uya, ikasa iwechi pe ittuppù Katù uya. Ailon tetok ya winà Abel uselupa lùppù màlà tùwelichak lànen tùse.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 7:27

Tùulon kon eketon kulu paatele yamùk walai pen mùkkàlà, iwotokoyi pen màlà kamo wànà wei kaichalà, wapiya tùmakuyi ponaloppe molopai kappon yamùk makuyi ponaloppe. Pùsàlà wettùlùppù màlà tewin itekkwa tamù'nawolon kon ponaloppe.

Hebrews 8:3

Tamù'nawolon kon eketon kulu paatele yamùk pe tùwessan mùkyamlo yanùnsak kon, lepantok tùnnan pe, molopai kamo yamùk tùnnan pe Katù yemyak, màlàpàk uchi pùsàlà nàlà wechippù màlà yà'làlà yesappe tùntùlù woton.

Hebrews 8:4

Non po iwessak yau, Katù yùwùk yesappe iwechippù pen sàlà epaino, masapùla paatele yamùk wechi molo pàk lepantok tùnài nan Law yawàlà.

Hebrews 9:9

Sàlà nàlà màlà sàlà pe nai'nùk yekamanài. Lepantok tùsak molopai kamo wàsak tùsak Katù yemyak kappon yamùk makuyi ponaloppe uya là Katù yapulànnan yewan koneka wakù pe pen màlà.