Hebrews 4:14 - Patamuna New Testament Revised

¹⁴ Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 4:14 ပူးပေါင်းရင်းမြစ်များ

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Mark 1:1

Sàlà màlà Wakù Itekale Jesus Christ yekale. Jesus mùkkàlà Katù Mumu.

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

Luke 24:51

Tok pùlema ya tùse tok nàmàppù ya, yanùmùppù màlà Epùn pona.

Yeunossak kon Wotokoyi 1:11

“Kàyik yamùk Galilee pon kon, yà'là pe ken iwechi pàk kak yenupàkà ewechi kon màlà? Pùsàlà Jesus Epùn pona yanùmù nepàssai'nùk ewinàpai'nokon, mùkkàlà tùuyà tu'ma woton epùn pona iità menpàssatài'nùk kasa,” teppù tok uya.

Yeunossak kon Wotokoyi 3:21

Epùn po iwechi màlà tamù'nawolon wenatok emennak pe yattai uyàpù ponalà, Katù uya yekamappù pena wakù ton tùmaimu yenpoikannan yai kasa.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

2 Corinthians 12:2

Tùttuyaik kappon Christ pàk ailon tawon. 14 pe kilichimochi utàppù man mùkkàlà yalàppù kawon kulu kak pona tùpo. Ittu uya pùla man sàlà wekkupùppù pe kulu iwechi wapùla we'nepà'natok walai yeneppù ya pe iwechi, Katù neken nùttuyan.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

Ephesians 4:10

Màlàpàk mùkkàlà iwuttàsak lùppù mùkkàlà iwenussak lùppù kakàik kak yepoi molopai miya itentak, tamù'nawolon yanùkkase molo tùwechi ke.

Hebrews 1:8

Tùse Tùmu pàk tùuselupa yau, “Katù!Itepulu pe ewettok wechi màlà tàwàlàlà molopai tàwàlàlà, molopai itepulu pe ewettok woton ikasa,” teppù ya.

Hebrews 10:12

Tùse pùsàlà, Christ, uya tewin itekkwa neken tùwenukassen pen tùtùsen tùlùpù màlà makui winàpai pùikattànài pe. Màlàyau iweleutappù Katù laitanù yak.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 10:29

Yà'là pe ken mùkkàlà wechi Katù Mumu yenpà'nài? Wakù pe esuken tùku'nài Jesus mùnù, Katù wekkuttok ikupù pàk ku'nài yà'làlà italumayippù kasa molopai Wakù Akkwalù, wakù ku'nài winàkàik àli pe tùuselupasen. Eke pe kulu tùtalumattàtok yepolo ya màlà!

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 2:1

Màlàpàk uchi yetasak lùppù pàk ailon te pai'nokon man sa'man pe lùiwa, iwinàpai utaman'nokon tukaik.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 6:20

Jesus wewomùppù màlà màlà motak kùpàkànsau'nokon. eke kulu paatele pe iwenappù màlà tàwàlàlà, Melchizedek yekkwa pe.

Hebrews 6:6

Màlà tùpo tok welattàppù Katù winàpai àli kuttok yak. Yà'là là tok mùnappotok woton iwinà pùla iwechi màlà Katù winàkàik. Masapùla tùmàlà'nokon pe Katù Mumu pukapàttu'ma tok uya pulusuk pona pe iwechi màlà, iwelittu'ma toppe, molopai tok uya ikuli'ma tukkan kon kùlottau pe iwechi.

Hebrews 7:3

Melchizedek kàipùnù wapùla ichan yekale pùla iwechi màlà, wapùla itamokolù yamùk là. Iwentuppù yekale là pùla iwechi màlà wapùla iwelikùppù là yekale pùla. Katù Mumu kasa iwechi màlà. paatele pe iwechi tàwàlàlà.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Hebrews 9:12

Itak iwewomùppù màlà tùmùnù winà. Kaapala mùnù molopai paka mule mùnù winà pùla. Tùse iwewomùppù màlà Wakù Kulu Patassek yak tewin itekkwa neken tamù'nawolon kon ponaloppe, tùmàlà pe là tàwàlàlà wepùikattàntok yepoloppù ya màlà kùponalok kon pe.

Hebrews 9:24

Masapùla Christ utàppù màlà Katù yùwùk kappon yamùk nùkonekappù pen yak molopai epùn pon kasa neken nà nai'nùk pen. Iitàppù màlà epùn pona molopai sàlà pe nen uchi Katù piyau iwechi màlà kùpùikattàtok kon pe tùuya.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.