Hebrews 4:11 - Patamuna New Testament Revised

¹¹ Màlàpàk uchi tamù'nawàlà kùnùttu kon ikuppai'nokon man utàntokkonpe màlà wàlàkka'nàtok yak. Ànù'là kùkklottau'nokon Katù Maimu yawàlà pùla kùsettak, mùkyamlo kappon yamùk wechippù kasa.

Hebrews 4:11 ပူးပေါင်းရင်းမြစ်များ

Matthew 11:12

John uya tekale yekamappù motapai sàlà tepose Itepulu pe we'nàtok epùn po wettalumattàsak man àsà ton ke molopai àsà ton kàyik yamùk wechi imokkaiche man teka'nonkaik.

Matthew 7:13

“Ewontàk kon ettakkù manatta yai, masapùla awenek màlà manatta molopai eke màlà asanta mattantok yak anài, molopai tukkan kon mùkyamlo itawà tùutàsan.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

Yeunossak kon Wotokoyi 26:19

“Màlàpàk we'neppà'nàtok walai uneneppù epùn poino maimu yawàlà pùla wechi pùn, Kin Agrippa.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 5:6

Ànù'là eyenkuttàtakù'nokon ailon pen mayin ke pakko pe: sàlà yamùk pàkànsau uchi màlà Katù we'naikatok uyàpù mùkyamlo tùmaimu yawàlà pùla nai'nannùk pona.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Colossians 3:6

Katù mùkkàlà tùwe'naikasen tùmaimu yawolon kon pen kappon yamùk pàk.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

Hebrews 3:12

Utonpa yamùk, masa yentàk kon, àli pe eusenumenkatok kon wapùla ailon te pùla we'nàtok ànù'là lattàtak, tùwemassen Katù winàpai.

Hebrews 3:18

Molopai, ànùk yan pàk ken Katù uya, “Ailon pe kulu tok uyàpù pen màlà wàlàkkattok yak,” teppù? Mùkyamlo pen na', imaimu yawolon kon nùssan pen?

Hebrews 4:6

Walùppù iwechi màlà, màlà wàlàkka'nàtok yak tùulon kon utàtoppe, masapùla mùkyamlo wapiya Wakù Itekale yetannan nùssan wechippù màlà imaimu yawàlà pùla, màlàpàk tok utàppù wàlàkkanàtok yak pen.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

2 Peter 2:6

Katù uya pata yamùk Sodom molopai Gomorrah tawonnan talumattàppù, imattanùpù pe apok ke ippla, molopai màlà yamùk kupùppù ya yentok ipàkàlà àli ton uya pe, tok uya yentoppe tùwekkupù woton àli ton winàkàik.