Hebrews 4:1 - Patamuna New Testament Revised

¹ Màlàpàk uchi wàlàkka'nà patassek yak wewonnàtoppe Katù nekamappù lùppù, walùppù man. Usenalipanpai'nokon uchi, ànù'là àkklottawon kon nàmà kùye'mappù tau tukaik.

Hebrews 4:1 ပူးပေါင်းရင်းမြစ်များ

Matthew 24:48

Tùse àli apyoto pe tùwechi yau, ‘Uyepulu uyàpù pen màlà tachin pe,’ te ya tùyiwalà.

Yeunossak kon Wotokoyi 3:19

Elattàtàk kon uchi àli kuttok auya'nokon winàpai, elattàtàk kon Katù winàkàik màlàyau amakuyi kon kolùka ya màlà,

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 3:23

Masapùla tamù'nawolon kon kappon yamùk wemakuimasak màlà, màlàpàk mei tok wechi Katù wettok wakù pe winàpai.

1 Corinthians 10:12

Màlàpàk meluntàk àwà'mùssakkasappe ittu auya yau, tùttuik mechiik ewekkawai'ma tukaik.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Galatians 5:4

Amyamlo Katù pokonpe ikasa tùwekkupùiche'nokon nai'nannùk law yawàlà tùwechi kon winà wepantakasak màlà Christ winàpai. Wakù pe Katù wettok yapai ewemokkasak kon màlà.

2 Timothy 2:13

Ailon pe pùla lànen we'nà'nokon ipàk tùse, ailon pe lùppù tùwessen mùkkàlà. Masapùla ailon pe pùla iwechi tùpàk pùla iwechi màlà,” tukaik.

Hebrews 12:15

Elannek peichi ettàk kon wakù pe Katù wettok winàpai ànù'là wennappo tukaik. Elannek pe ettàk kon wanittàpan wotton molopai tukkan kon yoi'ma woton maippanài watta tukaik.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.

Hebrews 3:11

We'naikatok yau yekamappù uya, ikupù uya kulu tetok uya yau ‘Wàlàkkattok yak tok uyàpù pen màlà,’ teppù uya.

Hebrews 4:11

Màlàpàk uchi tamù'nawàlà kùnùttu kon ikuppai'nokon man utàntokkonpe màlà wàlàkka'nàtok yak. Ànù'là kùkklottau'nokon Katù Maimu yawàlà pùla kùsettak, mùkyamlo kappon yamùk wechippù kasa.

Hebrews 4:9

Wàlàkka'nàtok lùppù molo man 7 pe iku'nài wei yattai Katù pemokono yamùk ponaloppe.