Hebrews 3:7 - Patamuna New Testament Revised

⁷ Masapùla Wakù Akkwalù wanùkayan, “Sàlà pe, Katù Maimu yeta auya'nokon yau,

Hebrews 3:7 ပူးပေါင်းရင်းမြစ်များ

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 22:43

“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya, ‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}

Mark 12:36

“David uya Wakù Akkwalù yapàikketù yau, ‘Itepulu uya Uyepulu pàk, Eleutakà upyau, kamik winà pùla, eyeyaton yamùk nonka uya atta yokkoik ponalà,’ teppù.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

John 10:27

Uyùkùnnon mùkyamlo umaimu yetannan, tok tùttuyaik. Molopai uwenaimannan mùkyamlo.

John 10:3

Manatta yennài mùkkàlà yakkokanài kalinilu yamùk yesak yemyak. Molopai kalinilu yamùk mùkyamlo imaimu yetannan, tùponalok kon kà'manài mùkkàlà tok yesek pàkù'ne, molopai tok yalà ya.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

Yeunossak kon Wotokoyi 1:16

“Utonpa yamùk, Katù Maimu wekkussak man ailon pe, Wakù Akkwalù uselupappù David yai Judas pàk lùppù kasa. Mùkkàlà wechippù Jesus yachin nan kàyik yamùk yanài pe,”

Yeunossak kon Wotokoyi 28:25

Màlàpàk tok utàppù tùpatalà'ne tùusenumenkaik Paul uya sàlà te tùpo, “Ikasa kulu Wakù Akkwalù uselupappù tùmaimu yenpoikanài Isaiah yai kùtamo kon yelupa tùuya yau!

Yeunossak kon Wotokoyi 8:29

Wakù Akkwalù uya Philip pàk, “Itàkà molopai mei pùla mechiik màlà kanau piyau,” teppù.

Hebrews 10:15

Masapùla Wakù Akkwalù uya nàlà yenpoikasak man kùpàkù'nokon ailon pe iwechi. Wapiya,

Hebrews 3:13

Tùse làkku echimeluntàlù yak ettàk kon wei kaichalà, ikuttok yattai wechi molo ‘Sàlà pe’ lùppù kùlottau. Àkklottau'nokon ànù'là yennaka ailon tetok ya pùla àli kuttok winà tukaik.

Hebrews 3:15

Wa tesak lùppù kasa, “Sàlà pe imaimu yeta auya'nokon yau, eyewan kon kùssa'mankatàu, Katù winàpai eyiwalà eppai ewechippù kon wontaik yau kasa.”

Hebrews 4:7

Màlàpàk Katù uya tùulon wei kupùppù màlà ‘Sàlà pe’ tukaik tesassen. Sàlà yekamappù ya tachin pe tùpo David winà, wapiya wateppù kasa, “Sàlà pe Katù Maimu yeta auya'nokon yau, sa'man pe eyewan kon kùssa'mankatàu.”

Hebrews 9:8

Wakù Akkwalù uya yenpoikappù sàlà winà wapiyalok Katù yùwùk wechi molo lùppù pàk, Wakù Kulu Patassek ye'ma wechi lùppù takkose.

2 Peter 1:21

Masapùla Katù yekale yekamasak lùppù uyàpùppù kappon yeselu neken winàpai pùla, tùse Katù Maimu yekamannannùssan yau Wakù Akkwalù wechippù; màlàpàk tok uya itekale Katù winàpai iyàssak lùppù yekamappù.

Revelation 3:20

Yetakà! Satippe wessaik manatta po molopai tei'tei ukayaik. Ànù'là uya umaimu yeta molopai manatta yakkokasak yau, itùwùk tak wewomù màlà. Uta'lettà màlà ipokonpe molopai iita'lettà màlà upokon pe.