Hebrews 3:6 - Patamuna New Testament Revised

⁶ Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 3:6 ပူးပေါင်းရင်းမြစ်များ

Matthew 10:22

Tamù'nawolon kon uya eyeya'noma kon màlà upàkànsau. Tùse mùkkàlà ailon pe tùwessen iwenukapù tepose wepùikattà màlà,” teppù Jesus uya.

Matthew 16:18

Màlàpàk eyesettà uya sàlà Peter pe, tàk pe. Molopai sàlà tàk po usochiyi yamù uya màlà. Weli'nàtok là uya yentaika pen màlà.

Matthew 24:13

Tùse mùkkàlà meluntà pe nai'nùk tùwemapù yawàlàiwenukatok tepose wepùikattà màlà.

Romans 11:22

Imasa yentàk kon wakù pe molopai àsà pe Katù wechi. Àsà pe iwechi mùkyamlo iwepantalalùkasak kon pàk, tùse wakù pe iwechi àpàkù'nokon wakù pe iwettok ichentupatok yau lùppù ewechi kon yau. Tùse yau pùla ewechi kon yau amyamlo nàlà wepantalùka màlà.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

1 Corinthians 3:16

Mùttuyatàu uchi amyamlo nàlà wechi Katù yùwùppe, molopai Katù Yakkwalù wemapù ayau'nokon?

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

2 Corinthians 6:16

Atta ken tamùkke Katù yùwùk wechi ailon pen katù yamùk pokonpe? Masapùla tàwàlà tùwemassen Katù yùwùk kùmyamlo! Katù uya tùyiwalà, “Tok piyau wemapù màlà molopai tok kùlottawà wechi màlà, tok Katùyi pe wechi màlà, molopai upemonkonù pe tok wechi màlà,” teppù màlà. {Lev 26.12; Jer 32.38; Ezk 37.27}

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

Galatians 6:9

Màlàpàk wakù kupù pàk usetakkan' nokon kùsettak, masapùla iwalai iweyu yattai ipànsak lùppù mokka màlà usemya'nùnpansak pùla iwechi yau.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

1 Thessalonians 5:16

Tùutauchinpaik mettàik tàwàlàlà.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

Hebrews 1:2

Tùse sàlà pata weyu wenukattok yau kùyelupasak kon ya man Tùmu winà. Katù uya pùsàlà mappù màlà tamù'nawolon yesappe molopai Iwinà tamù'nawolon konekappù ya.

Hebrews 10:19

Màlàpàk, utonpa yamùk, utàn'nokon uchi màlà Katù wettok itau tak, Jesus mùnù winà.

Hebrews 10:21

Eke kulu paatele Katù yùwuk yennài, yesappe we'nà'nokon man.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 11:1

Ailon tetok màlà enpen we'nàtok kùnepolo kon pàk, ittutok kùuya'nokon ke lepanai yene pùla lànen tùse.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 4:11

Màlàpàk uchi tamù'nawàlà kùnùttu kon ikuppai'nokon man utàntokkonpe màlà wàlàkka'nàtok yak. Ànù'là kùkklottau'nokon Katù Maimu yawàlà pùla kùsettak, mùkyamlo kappon yamùk wechippù kasa.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 4:16

Màlàpàk tùwe'namaik pùla uyà'nàpai'nokon Katù yapon yemloto pona, wakù kuttok ya kùponaloppe patassek yak. Molo usentupantok yanùmù màlà molopai wakù yepolo, kùpùikattànài iche we'nàtok yattai.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.

1 Peter 1:8

À'nùn pe iku'nài nan amyamlo, yensak auya'nokon pùla lànen iwechi tùse; ailon tawonnan amyamlo ipàk yene auya'nokon pùla lànen tùse sàlà pe; màlàpàk eke pe autauchinpa kon màlà yekama yentai wakù utauchinpantok ke,

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?

Revelation 2:18

“Thyatira pon sochi inchelùyi piyak sàlà imenukakà: “Sàlàichi màlà itekale Katù Mumu winàpaino. Itenu tùulenpansen apok kasa, itta tùulenpansen kalukuli kalapaimasak kasa.”

Revelation 2:25

Tùse eyenupatok kon itesappe messatài'nùk kù'nonkatàu kulu uyàpù ponalà.

Revelation 2:26

Mùkyamlo entaikannan nùssan molopai uwotokoyi ku'nàinan nùssan iwenukapù ponalà, yemyak itepulu pe we'nàtok yapàikketù pata yamùk yepoi tùlù uya màlà.

Revelation 3:11

Uyàpù màlà asse'ne. Itesappe ewettok kon ikuttàk wakù pe, ànù'là uya wakù entaikantok auya yepeppù alok mokka tukaik.