Hebrews 3:1 - Patamuna New Testament Revised

¹ Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 3:1 ပူးပေါင်းရင်းမြစ်များ

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 20:21

Màlàyau Jesus uya tu'ma tok pàk, “Wàlàkka'nàtok wechi màlà apyau'nokon, Ukàipùnù uya uyeunossak nai'nùk kasa làma eyeunoko kon uya sàlà,” teppù.

John 20:27

Màlàyau Thomas pàk, “Eyemyatù yemaikakà sailà, molopai uyemyatù yamùk yenkà. Eyemyatù yenkakà molopai yemaikakà uwolo yai. Ailon tetok auya pùla kùsettak, tùse ailon kakkà làkku,” teppù Jesus uya

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

Romans 15:27

Màlà kupù pàk tok utauchinpasak wechippù màlà tùyiwalà'nokon. Tùse mùkyamlo yà'là pùnon sa'ne pùikattà nen tok uya màlà, masapùla Jew yamùk uya wakù Katù winàpaino intùlùppù pùkkù pe Jew yamùk pen masak pàk, màlàpàk uchi Jew yamùk pen uya Jew yamùk pùikattà màlà itesappe tùwettok kon ke.

Romans 15:8

Masapùla tekamayaik àpàkù'nokon Christ wenappù mà Jew yamùk yattàsak kon yapyoto pe tà Katù wechi ailon pe yekama pe ikupù tùuya teppù lùppù tùnamasan Jew yamùk tamo yamùk pàk kusse ailon pe iwettoppe.

Romans 9:24

Masapùla kùmyamlo uchi mùkyamlo inkà'massan, Jew yamùk kùlottapai neken pùla, tùse nàlà Jew yamùk pen kùlottapai.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 10:17

Masapùla tewin pùlomù pusak wechi pàk, kùmyamlo tukkan kon wechi màlà tewin. Masapùla tewinan pùlomù pusak napù'nokon nai'nùk tamùkke.

1 Corinthians 9:23

Tamù'nawàlà sàlà ku'nài Iulà Wakù Itekale pàkànsau, pùlemantok kon iponalok pùkkù pe wettoppe.

2 Corinthians 1:7

Enpen ina wettok àpàkù'nokon meluntà pe man. Masapùla ina nùttuyan ina wettalumattàtok pùkkù pe ewechi kon kasa làma, ina yewan ipittàtok pùkkù pe nàlà ewechi kon màlà.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Philippians 3:14

Màlàpàk tossalà aitunpe utàyaik teposen winàkàik. Uyepeppù, Katù uya kà'mantok Christ Jesus yai wema'nàtok epùn po, yepotoppe uya.

Colossians 1:12

Molopai tenki tawonnan pe Kùkàipùnù kon pàk tùutachinpaik. mùkkàlà àku'nàippù'nokon tùnkupùppù tùponalok kon ponaloppe wakù akkwa pata yau ipùkkù pe ewechi kon pa.

Colossians 1:22

Tùse sàlà pe nen uchi, Tùmu yàkàpù winà, Katù uya tùwechi yakonnon pe àkussak kon man enettok kon pe tùuya esuken. Wakù pe itekale eyesek kon wettoppe.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

1 Thessalonians 5:27

Apawanattàyatàu Iulà, Itepulu yapàikketù winà sàlà kaleta yekama kon pa tamù'nowolon kon kùtonpa yamùk, ailon tawonnan Jesus pàk pàk.

2 Thessalonians 1:11

Sàlà kasaichi tùusenumenkaik tàwàlà àpona'nokon ina tùwàpùlemasan. Katù uya àkà'mappù kon yak lùppù yawà tùwemassan pe ewechi kon pa. Tàwà tùmeluntàlù yai, wakù ànkupù pe tùwessen kupùik molopai àpùikattài ailon tetok auya yawà ewelaika pa.

2 Thessalonians 2:14

Àkà'mappù kon ya màlà sàlà yak, Wakù Itekale ina nekamappù yai. Àkà'mappù kon ya màlà Kùyepulu Jesus Christ yapulàtok pùkkù wettoppe àponalok kon pe.

1 Timothy 6:12

Wakù pe epanta'makà ailon tetok auya yau meluntà pe ewechi pa, molopai tàwàlà wema'nàtok yepokà àponalok pe; masapùla sàlà wema'nàtok yak màlà Katù uya àkà'mappù “Ailon tawon Iulà ” tesak auya yau, tukkan kon yetannan yemloto po.

1 Timothy 6:2

Ailon tawonnan pe tepotolù kon yamùk wechi yau tok poitolo ton i'nùmla tok kuttak, masapùla ailon tawonnan nàlà mùkyamlo. Wa tùse, tàwà tepotolù kon yapyoto pe tok nechii wakù peiwa, masapùla mùkyamlo nepùikattà yai'nannùk wechi ailon tawonnan pe molopai tù'nùn kon pe tok wechi pàk. Sàlà pàk kappon yamùk menupaik molopai sàlà yamùk mekamaik.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

2 Timothy 2:7

Esenumenkakà wa ukayai'nùk pàk, masapùla Itepulu Jesus uya àkupù màlà tamù'nawolon sàlà yamùk ittu pa.

Hebrews 10:19

Màlàpàk, utonpa yamùk, utàn'nokon uchi màlà Katù wettok itau tak, Jesus mùnù winà.

Hebrews 10:21

Eke kulu paatele Katù yùwuk yennài, yesappe we'nà'nokon man.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 13:22

Utonpa yamùk sàlà tokwennan kaleta menukasak uya man apyakù'nokon emeluntàpanài'nokon pe, màlàpàk tùusetakkaik pùla kulu metatàik.

Hebrews 2:11

Asakklàma, mùkkàlà esuken kappon yamùk konekanài molopai mùkyamlo inkonekassan esuken wechi màlà tewin Ikàipùnù. Màlàpàk uchi Jesus wekuli'ma pùla iwechi màlà tok yesatù tùuya pàk tùkàipùnù munkà pe.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 3:12

Utonpa yamùk, masa yentàk kon, àli pe eusenumenkatok kon wapùla ailon te pùla we'nàtok ànù'là lattàtak, tùwemassen Katù winàpai.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 6:20

Jesus wewomùppù màlà màlà motak kùpàkànsau'nokon. eke kulu paatele pe iwenappù màlà tàwàlàlà, Melchizedek yekkwa pe.

Hebrews 7:26

Jesus mùkkàlà eke kulu paatele iche kulu we'nàtok. Wakù, iwalai pen nà pùn, esukenan molopai yamasak mùkkàlà tùmakuyi kenan kon winàpai, molopai yanùnsak lùppù epùn yepoi.

Hebrews 7:28

Law màlà, tattu'mùnù kenan kon kappon yamùk yanùnnài eke patele pe tok wettoppe. Tùse Katù uselupatok meluntà pe uyàpùppù màlà Law ye'mappùtak, Tùmu yanùmùppù ya màlà tùwùk yesappe iwettoppe. Ikasa iwekonekasak tàwàlàlà.

Hebrews 9:11

Tùse Christ uyàpùppù man eke kulu paatele pe, wakù ton iyàssak nai'nannùk yepulu pe. Tappulin iwe'wotokomatok itau màlà penalok yentaino, molopai wakù kulu, kappon yamùk nùkonekappù pen. Ikonekasak pùkkù pe pùla iwechi sàlà wolù yau.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 3:5

Masapùla sàlà kasa penalok kon wakù ton ulichamichi, enpen tùwessan Katù pàk, wechippù ema'non pe; tùtayappù kon maimu yawàlà.

1 Peter 5:1

Sochi yennàinan àkklottau'nokon nai'nannùk tùpawanattàyaik, Iulà nàlà mùkkàlà sochi yennài. Christ wettalumattàtok lùppù yekamanài, molopai itakkwayi tùusenpoika woton pùkkù nàlà. Apawanattàyatàu Iulà:

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà:

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 18:20

Atauchinpatàk kon, imattanùttok pàk epùn! Atauchinpatàk kon, Katù ponalok kon kappon yamùk, yeunossak kon, molopai Katù Maimu yenpoikannan! Masapùla Katù uya italumattàsak man inkupùppù àpàkù'nokon wenai!