Hebrews 2:2 - Patamuna New Testament Revised

² Itekale, inchelù yamùk nekamappù usenpoikappù màlà ailon pe, molopai ànù'là iku'nàippù pen wapùla imaimu yawàlà iwessak lùppù pen uya talumattàntok yepoloppù màlà ikasa.

Hebrews 2:2 ပူးပေါင်းရင်းမြစ်များ

Yeunossak kon Wotokoyi 7:53

Amyamlo uya màlà law yepoloppù, tùkussen pe itùsak inchelù yamùk winà. Tùse yawàlà pùla ewessak kon màlà!” teppù Stephen uya tok pàk.

Galatians 3:19

Yà'là woton pe ken uchi Law wechippù màlà? Itùlùppù màlà wemakuiman pàk we'nà pàk, mùkkàlà nàlà Abraham pa ikupù uya màlà teppù lùppù ipàk uyàpù ponalà neken tùwessen pe. Law tùlùppù màlà inchelù yamùk uya akkletawon yemyak (Moses).

Hebrews 1:1

Pena Katù uya kùtamo kon yelupappù tukke itekkwa molopai tukkan yawà tùmaimu yenpoikannan winà.

Hebrews 10:28

Ànù'là, Law Moses winàpaino maimu yawàlà pùla iwessak lùppù welikùppù màlà usentuppan ipàk pùla, àli pe ittusak asa'lon kon wapùla àsolùwawon kon uselupatok winà yau.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 11:26

Iichenumenkappù màlà mottùnpantok pàlikatok Christ ponaloppe wechi tamù'nawolon Egypt pon mamin yentai kulu wakù pe pàk, masapùla ewanawolok e'mantok tùnepolo pàk tenu tùsak ya wechippù.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

2 Peter 1:19

Màlàpàk kulu ina nùttuyan Katù Maimu yenpoikannannùssan yekale wechi ailon pe. Màlàpàk uchi wakù ikuttàk kon mei pùla tok nekamappù yene auya'nokon yau, akkwa yene auya'nokon ewalupàttau kasa, yene pàk mettàik pata wemapà yene auya'nokon kaiwonok uyàpù ewalupàttau pata wemapù ponalà kasa.

Jude 1:5

Tamù'nawàlà lànen sàlà ittu auya'nokon tùse, eyenu kon anapontàpai wessaik Itepulu Katù uya Israel pon kon kappon yamùk mokkappù Egypt yapai, tùse màlà tùpo mùkyamlo ailon tawonnan pen talumattàppù ya pàk.